Prakuror zaprasiŭ dla kiraŭnikoŭ Biełaruskaha kanhresa demakratyčnych prafsajuzaŭ pazbaŭleńnie voli
U Minskim haradskim sudzie 23 śniežnia praciahvajecca razhlad kryminalnaj spravy, zaviedzienaj na aktyvistaŭ Biełaruskaha kanhresa demakratyčnych prafsajuzaŭ — staršyniu Alaksandra Jarašuka, jaho namieśnika Siarhieja Antusieviča i buchhałtarku Irynu But-Husaim, paviedamlaje «Viasna».
Ich vinavaciać u dziejańniach, jakija hruba parušajuć hramadski paradak (č. 1 art 342), a Jarašuka taksama ŭ zaklikach da mier abmiežavalnaha charaktaru, inšych dziejańniach, nakiravanych na pryčynieńnie škody nacyjanalnaj biaśpiecy Respubliki Biełaruś (č. 3 art. 361).
Sudovy praces viadzie sudździa Valancina Ziankievič.
Usie abvinavačanyja znachodziacca pad vartaj z 19 krasavika 2022 hoda.
Siońnia ŭ sudovym pasiadžeńni adbylisia sprečki bakoŭ. Abvinavaŭca zaprasiŭ sud pakarać Irynu But-Husaim pazbaŭleńniem voli terminam na 1,5 hoda, Siarhieja Antusieviča na 2 hady i Alaksandra Jarašuka — na 4 hady pazbaŭleńnia voli va ŭmovach ahulnaha režymu.
-
«U kałonii canili pieradačy prapahandystki Skabiejevaj». Były palitviazień Jaŭhien Mierkis raskazaŭ, jak vyžyvaŭ za kratami
-
Biełaruska atrymała polskuju vizu, ale nie pačała pa joj jeździć da zakryćcia miažy. Ci puściać jaje ciapier u ES?
-
17-hadovaja biełaruska, zatrymanaja za zapusk drona ŭ Varšavie, pryjechała ŭ Polšču ŭsiaho niekalki dzion tamu
Da «Dnia narodnaha adzinstva» pamiłavali 25 čałaviek4
Kamientary