Anłajn-słoŭnik Dictionary.com taksama nazvaŭ hałoŭnaje słova 2022 hoda. Jano važnaje i dla biełarusaŭ
Svaju viersiju słova 2022 hoda prapanavaŭ i anłajn-słoŭnik Dictionary.com. I hetaje słova woman — «žančyna».
Sajt padkreślivaje, što heta adno z samych staražytnych słoŭ anhlijskaj movy i jano maje fundamientalnaje značeńnie nie tolki dla našaha zapasu, ale i dla taho, kim my źjaŭlajemsia jak ludzi. Pry hetym słova «žančyna» praciahvaje być važnym asobasnym vyznačeńniem i krynicaj sprečak u hramadstvie.
Na sajcie padkreślivajuć, što vybar słova nie byŭ advolnym. Redakcyja zafiksavała šmatrazovy rost pošukavych zapytaŭ pa słovie woman na Dictionary.com u 2022 hodzie. Tak, na piku kolkaść zapytaŭ pa im pavialičyłasia bolš čym na 1 400%, što vielmi niezvyčajna dla takoha raspaŭsiudžanaha słova. Byli i inšyja ŭspyški, a pa vynikach hoda akazałasia, što hetaje słova ŭ 2022 hodzie šukali ŭdvaja čaściej, čym raniej.
Na dumku redakcyi słoŭnika, słova «žančyna» nieadździelnaje ad historyi hetaha hoda. Samy vialiki ŭsplosk zapytaŭ pa im byŭ u kancy sakavika, kali ŭ ZŠA zaćviardžali sudździu Kietandžy Braŭn Džeksan na pasadu viarchoŭnaha sudździ — pieršuju čarnaskuruju žančynu na hetaj pasadzie. Padčas słuchańniaŭ sudździu paprasili dać ułasnaje vyznačeńnie słovu «žančyna» — paśla hetaha i adbyŭsia rost zapytaŭ.
Byli i inšyja padziei, jakija pryciahnuli ŭvahu da vyznačeńnia hetaha słova: admiena lehalizacyi abortaŭ na fiederalnym uzroŭni ŭ ZŠA, śmierć karalevy Lizaviety II, pratesty ŭ Iranie za pravy žančyn. A taksama spartyŭnyja padziei: zakančeńnie karjery tenisistki Siereny Uiljams, debaty ab transhiendarnych spartoŭcach, dasiahnieńnie žanočaj nacyjanalnaj zbornaj ZŠA pa futbole, jakaja zmahła damahčysia roŭnaj z mužčynami apłaty pracy, i hetak dalej.
U Biełarusi taksama jość hieraini-žančyny: Maryja Kaleśnikava, Darja Łosik, Nasta Łojka, Maryna Zołatava, Ludmiła Čekina dy sotni inšych.
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu20
Kamientary