Wildberries znoŭ chacieŭ uvieści płatu za viartańnie tavaru, MARH znoŭ zabaraniła
Užo druhi raz za apošnija try miesiacy Ministerstva antymanapolnaha rehulavańnia i handlu Biełarusi vyniesła pradpisańnie biełaruskaj jurydyčnaj asobie bujnoha rasijskaha markietpłejsa ab likvidacyi taho samaha parušeńnia — źbirańnia płaty za jakasny tavar, ad jakoha pakupnik vyrašyŭ admovicca.
Jak paviedamiła MARH, u viedamstva dasyłajucca šmatlikija skarhi biełarusaŭ u suviazi z uviadzieńniem z 9 śniežnia markietpłejsam Wildberries płaty za viartańnie tavaraŭ, jakija nie majuć jakich-niebudź defiektaŭ, jakija pa toj ci inšaj pryčynie nie padyšli pakupniku.
U raździele «Košyk» na sajcie wildberries.by byli vystaŭlenyja nastupnyja rascenki — 1,98 rubla, 2,97 rubla ci 3,96 rubla za viartańnie na skład pry admovie.
MARH adznačaje, što takoje patrabavańnie niezakonnaje i 13 śniežnia paŭtorna vynies TAA «IMVBRB» (tak zaviecca biełaruskaja jurydyčnaja asoba Wildberries) pradpisańnie ab likvidacyi parušeńniaŭ zakanadaŭstva ab abaronie pravoŭ spažyŭcoŭ.
Padobnaje pradpisańnie ministerstva ŭžo vynosiła ŭ vieraśni — i tady Wildberries admianiŭ płatu za viartańnie tavaru.
Čytajcie taksama:
Wildberries pasprabavaŭ źmienšyć termin zachoŭvańnia tavaraŭ, ale ŭrešcie adkruciŭ usio nazad
Minhandlu pryznała niezakonnym płatnaje viartańnie tavaru na Wildberries
Čamu Wildberries u Biełarusi praciahvaje brać hrošy za viartańnie tavaru
Ciapier čytajuć
«Nie vieru, što heta piša jana». Taćciana Martynava śćviardžaje, što Karpušonak taksama źnikła13
«Nie vieru, što heta piša jana». Taćciana Martynava śćviardžaje, što Karpušonak taksama źnikła
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary