Suprać śviatara Uładzisłava Bahamolnikava raspačataja kryminalnaja sprava. Jon za kratami ŭžo 100 dzion
Kryminalnaja sprava suprać śviatara Uładzisłava Bahamolnikava była raspačataja pavodle art. 342 KK za nibyta ŭdzieł u masavych biesparadkach, jon zatrymany ŭ jakaści padazravanaha.
Śviatar tak i nie vyjšaŭ na svabodu paśla adbyćcia siomaha aryštu, termin jakoha zakančvaŭsia siońnia. Usiaho z 31 žniŭnia jon pravioŭ na Akreścina 100 sutak, paviedamlaje telehram-kanał «Chryścijanskaja vizija».
Umovy ŭtrymańnia byli katavalnymi — pierapoŭnienaja kamiera, biez dostupu da mieddapamohi, bieź pieradač i karespandencyi. U ajca Uładzisłava mocny kašal, jaki nie prachodzić ź jaho pieršaha aryštu, kali jon chvareŭ na kavid.
Uładzisłaŭ Bahamolnikaŭ adpiavaŭ Ramana Bandarenku.
Kamientary