Kultura

U zamiežžy vyjšaŭ «Biełaruski kalandar—2023» z malunkami i słovami na kožny dzień. 5 pryčyn, kab jaho nabyć

Hramadskaja kampanija «Budźma Biełarusami!», Mižnarodny sajuz biełaruskich piśmieńnikaŭ i Fond Kamunikat.org vydali «Biełaruski kalandar—2023» z malunkami i słovami na kožny dzień. Ciapier biełarusy zamiežža, navat znachodziačysia za tysiačy kiłamietraŭ ad radzimy, mohuć lohka zamović sabie biełaruski kalandar. 5 pryčyn, čamu varta heta zrabić, piša «Budźma».

1. Dapamahaje vučyć biełaruskuju movu

Kalandar — sapraŭdnaja skarbonka sakavitych, admietnych biełaruskich słoŭcaŭ, dbajna padabranych ruplivymi vydaŭcami. Temy samyja roznyja: tut i nazvy raślin i žyvioł, nazvy instrumientaŭ, pradmietaŭ vopratki, mebli, pryrodnych źjaŭ… Navat dobryja znaŭcy biełaruskaj movy znojduć niešta cikavaje dla siabie.

2. Doryć dobry nastroj

Kali padajecca, što ŭsio ŭ žyćci zmročna i nastroju zusim niama, pahartajcie chvilinku «Biełaruski kalandar». Jaskravyja i pazityŭnyja malunki dapamohuć padniać nastroj.

3. Dapamahaje płanavać svoj čas

Heta funkcyja luboha kalendara. Ułasna kažučy, dla taho jany i stvorany. Ale ž kudy pryjemniej płanavać, karystajučysia pryhožym kalendarom na rodnaj movie.

4. Pryjemny ranišni rytuał

Novy dzień — novaje słova i novy malunak. Čamu b nie pačynać svaju ranicu z taho, kab hlanuć na biełaruski kalandar i daviedacca, jakoje słova vydaŭcy abrali dla hetaha dnia? Pasprabujcie! Upeŭnieny, mnohim taki rytuał pryjdzieca daspadoby.

5. Šykoŭny padarunak na Novy hod i Kalady

Zimovyja śviaty ŭžo chutka. Čas padumać pra padarunki. Kali vy jašče nie vyznačylisia, kamu što padaryć, to voś vam padkazačka: «Biełaruski kalandar» — samy što ni na jość univiersalny padarunak, jaki padydzie dla siabroŭ, dla kaleh, baćkoŭ, školnikaŭ… I navat zusim maleńkim dzieciam spadabajecca razhladvać kalarovyja malunki.

A hałoŭnaje — heta padarunak ź biełaruskim charaktaram!

Zamović kalandar z mahčymaściu dasyłki ŭ roznyja krainy śvietu možna na sajcie biełaruskaj internet-biblijateki Kamunikat pa spasyłcy albo praz e-mail [email protected].

Kamientary

Ciapier čytajuć

Ninu Bahinskuju vyzvalili biez pakarańnia, kryminalnuju spravu spynili2

Ninu Bahinskuju vyzvalili biez pakarańnia, kryminalnuju spravu spynili

Usie naviny →
Usie naviny

Volha Siamaška pryniała rašeńnie prypynić supracu ź biełaruskimi prajektami11

«Treba adšturchnucca ad dna, ale hetaha šturška nie adbyvajecca». Na zmahańnie z padziažom žyvioły vyjšaŭ hienierał Karajeŭ7

Rasijskija vojski majuć pośpiechi na Sumščynie

Łukašenka zajaviŭ, što padziež žyvioły ŭ Biełarusi dasiahnuŭ «histaryčnaha maksimumu»16

«Streł u śpinu». Rasija abvinavaciła Sierbiju ŭ pastaŭcy bojeprypasaŭ Ukrainie1

U Park vysokich technałohij pryznačyli novaha dyrektara1

Adyška ŭ Łukašenki ciapier užo i kali jon havoryć siedziačy VIDEAFAKT10

Matč futbolnaj zbornaj z-za kiepskaha stanu pola pieranieśli sa stadyjona «Dynama» ŭ Barysaŭ

U Raduni na aŭkcyjonie pradali budynak staroj ješyvy

bolš čytanych navin
bolš łajkanych navin

Ninu Bahinskuju vyzvalili biez pakarańnia, kryminalnuju spravu spynili2

Ninu Bahinskuju vyzvalili biez pakarańnia, kryminalnuju spravu spynili

Hałoŭnaje
Usie naviny →

Zaŭvaha:

 

 

 

 

Zakryć Paviedamić