Pad Minskam zaŭvažyli čajku-burhamistra. Heta druhaja rehistracyja vidu ŭ Biełarusi
U niadzielu 20 listapada ptuškarki Alona Cichanovič i Valeryja Trejciak vypravilisia na rybhas «Vołma» šukać šeraščokuju koŭru. Ale na adnym sa spuščanych stavoŭ zaŭvažyli hrupu čajek, i adna ź ich padałasia im niezvyčajnaj svajoj raŭnamiernaj afarboŭkaj biez čornych kancoŭ kryłaŭ i vialikaj dziubaj z čornym «huzikam» na končyku. Sfatahrafavać čajku atrymałasia tolki z dvuch rakursaŭ, ale dakładna vyznačyć vid pa ich nie atrymałasia. Tamu dziaŭčatam ničoha nie zastavałasia, jak pasprabavać vysačyć ptušku jašče raz, piša telehram-kanał «Dzikaja pryroda pobač».
Na druhi dzień Alona była na pracy, a Valeryja vyjechała znoŭ na rybhas, trymajučy ź joj suviaź. Umovy byli niespryjalnyja: padaŭ husty śnieh, arłany-biełachvosty haniali čajek.
«Sproby padyści bližej ź inšaha bieraha skončylisia tym, što pad nahami pačaŭ treskacca lod, — raskazała Valeryja pra svaju vypravu. — Paru razoŭ hłyboka pravaliŭšysia pad lod u śmiardziučuju žyžku, viarnułasia na pačatkovaje miesca — i tut ubačyła śvietłyja kryły, chvost, śpinu biez kropli čornaha! JANA! Udałosia zrabić zdymak, pa jakim užo biez sumnievu nam z Alonaj paćvierdzili čajku jak maładoha burhamistra».
Dla Valeryi hety łajfier staŭ 271-m vidam ptušak, pabačanych u Biełarusi, a dla Alony — jubilejnym 280-m.
Čajka-burhamistr — druhaja pa vieličyni čajka ŭ śviecie, razmach kryłaŭ jakoj dasiahaje 165 sm, a masa — 2,2 kh. Hniaździcca jana na arktyčnych uźbiarežžach Paŭnočnaj Amieryki i Jeŭrazii, a zimu pravodzić zvyčajna ŭ Paŭnočnaj Atłantycy, uhłybiniu sušy zalataje vielmi redka.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos14
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4949
Kamientary