Skulptura smažanki moža źjavicca ŭ Kiraŭsku. Tam sa smažankami tvorycca realna niešta niejmaviernaje
Hastranamičnym brendam Kiraŭščyny mnohija hady źjaŭlajecca smažanka, piša mogilevnews.by. Słava kiraŭskaj smažanki vyjšła daloka za miežy rajona. «Mnohija žychary vobłaści i nie tolki jaje imknucca patrapić u rajonny centr, kab samim pierakanacca ŭ jaje ŭnikalnych smakavych jakaściach», — śćviardžaje vydańnie.
Ličby, jakija pryvodzić vydańnie, navat naściarožvajuć. Pavodle mogilevnews.by, kožny dzień prydarožnaje kafe ź simvaličnaj nazvaj «Smažanka» za dzień realizuje ad 2 da 4 tysiač smažanak.
A ŭ letni čas, asabliva ŭ vychadnyja dni, prodaž vyrastaje da 5—6 tysiač štuk.
Tut važna adznačyć, što kolkaść žycharoŭ Kiraŭska — kala 8 tysiač čałaviek, u Kiraŭskim rajonie — kala 18 tysiač.
Jak adznačajuć u Kiraŭskim rajspažyŭtavarystvie, siaredniamiesiačny tavaraabarot ich tavarystva składaje 330 tysiač rubloŭ, 170 tysiač (bolš za pałovu!) ź ich prynosić realizacyja smažanak.
Na Kiraŭščynie vyrašyli addać naležnaje svajmu hastranamičnamu brendu, uviekaviečyŭšy jaho ŭ skulptury. Ci dakładna pryniata rašeńnie, ci heta pakul tolki ideja, nie paviedamlajecca.
Kamientary