Скульптура смажанкі можа з'явіцца ў Кіраўску. Там са смажанкамі творыцца рэальна нешта неймавернае
Гастранамічным брэндам Кіраўшчыны многія гады з'яўляецца смажанка, піша mogilevnews.by. Слава кіраўскай смажанкі выйшла далёка за межы раёна. «Многія жыхары вобласці і не толькі яе імкнуцца патрапіць у раённы цэнтр, каб самім пераканацца ў яе ўнікальных смакавых якасцях», — сцвярджае выданне.
Лічбы, якія прыводзіць выданне, нават насцярожваюць. Паводле mogilevnews.by, кожны дзень прыдарожнае кафэ з сімвалічнай назвай «Смажанка» за дзень рэалізуе ад 2 да 4 тысяч смажанак.
А ў летні час, асабліва ў выхадныя дні, продаж вырастае да 5—6 тысяч штук.
Тут важна адзначыць, што колькасць жыхароў Кіраўска — каля 8 тысяч чалавек, у Кіраўскім раёне — каля 18 тысяч.
Як адзначаюць у Кіраўскім райспажыўтаварыстве, сярэднямесячны тавараабарот іх таварыства складае 330 тысяч рублёў, 170 тысяч (больш за палову!) з іх прыносіць рэалізацыя смажанак.
На Кіраўшчыне вырашылі аддаць належнае свайму гастранамічнаму брэнду, увекавечыўшы яго ў скульптуры. Ці дакладна прынята рашэнне, ці гэта пакуль толькі ідэя, не паведамляецца.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал5
Каментары