U parłamient pastupiŭ zakonaprajekt «Ab źmianieńni kodeksaŭ pa pytańniach administracyjnaj adkaznaści». Jaho tekst apublikavany na pravo.by.
Kali zakonaprajekt budzie pryniaty, to ŭ artykuł 13.2 Kodeksa ab administracyjnych pravaparušeńniach «Parušeńnie ŭstanoŭlenaha paradku ŭstanaŭleńnia (farmiravańnia) i (abo) prymianieńnia cen (taryfaŭ)» dadaduć novy punkt.
«4. Nieadznačanyja ŭ tavarna-transpartnaj nakładnoj abo tavarnaj nakładnoj źviestki, źviazanyja z ustanaŭleńniem cen na tavary, u dačynieńni da jakich ažyćciaŭlajecca dziaržaŭnaje rehulavańnie cen, a taksama ŭkazańnie ŭ takich dakumientach niedakładnych źviestak, źviazanych z vyznačeńniem cen na nazvanyja tavary, — ciahnuć z saboj nakładańnie štrafu ŭ pamiery da 20 bazavych vieličyń, a na indyvidualnaha pradprymalnika abo jurydyčnuju asobu — u pamiery da 10% sumy hrašovaj acenki haspadarčaj apieracyi, nazvanaj u hetych dakumientach».
U novaj redakcyi štrafy pa artykule 13.2 KaAP praduhledžany za parušeńni paradku farmiravańnia cen z boku IP ci słužbovych asob kampanij, za pieravyšeńnie fiksavanych cen, cenavych patałkoŭ abo hraničnych nadbavak, za prodaž peŭnych tavaraŭ (akazańnie pasłuh) biez ekanamičnych raźlikaŭ, jakija paćviardžajuć uzrovień adpusknych cen, ci za parušeńnie paradku rehistracyi cen.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec14
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary