U ZŠA na aŭkcyjonie pradali skradzienuju nacystami karcinu Šahała za 7,4 miljona dalaraŭ
Karcina pad nazvaj «Baćka» naležyć ruce biełaruskaha mastaka Marka Šahała. Prodaž adbyŭsia ŭ aŭtorak, 15 listapada, u aŭkcyjonnym domie Phillips. Karcinu nabyli za 7,4 miljona dalaraŭ. Pra heta paviedamlaje The Times of Israel.
Karcinu Šahała 1911 hoda «Baćka», napisanuju alejem na pałatnie, kupiŭ u 1928 hodzie polska-jaŭrejski skrypičny majstar David Cender. Jon straciŭ svaju majomaść, kali byŭ vymušany pierajechać u Łodzinskaje hieta. Departavany ŭ Aśviencim, dzie byli zabityja jaho žonka i dačka, jon vyžyŭ i pierajechaŭ u Francyju ŭ 1958 hodzie, dzie pamior u 1966 hodzie, tak i nie staŭšy ŭładalnikam karciny.
Tym časam praca znoŭ źjaviłasia na vystavach, i akazałasia, što jaje kupiŭ sam Mark Šahał, vierahodna, u pieryjad pamiž 1947 i 1953 hadami. Paśla taho jak mastak pamior u Francyi ŭ 1985 hodzie, karcina ŭ 1988 hodzie trapiła ŭ nacyjanalnyja kalekcyi, a zatym tvor byŭ zamacavany za Centram Pampidu i pieradadzieny na zachoŭvańnie ŭ Muziej jaŭrejskaha mastactva i historyi ŭ Paryžy.
Francuzski parłamient u pačatku hoda adnahałosna pryniaŭ zakon ab viartańni 15 rabot jaŭrejskich siemjaŭ, abrabavanych nacystami. Tahačasny ministr kultury Razelin Bašeło nazvała heta «pieršym krokam», pry hetym adznačyła, što inšyja skradzienyja tvory mastactva i knihi ŭsio jašče zachoŭvajucca ŭ dziaržaŭnych kalekcyjach.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii22
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4141
Kamientary