Štajnmajer zajaviŭ ab «kančatkovym pravale» rasijskaj palityki Hiermanii i paabiacaŭ svajoj krainie ciažkija hady
Prezident Hiermanii Frank-Valter Štajnmajer vystupiŭ z telezvarotam da naroda, u jakim raskazaŭ ab svaim niadaŭnim vizicie ŭ Kijeŭ. Pa słovach Štajnmajera, vialikaja vajna, jakaja pačałasia 24 lutaha, adznačyła «epachalnyja pieramieny» ŭ Jeŭropie.
Štajnmajer pryznaŭ svaju asabistuju adkaznaść za pravalnyja sproby Hiermanii padtrymlivać z Maskvoj dobryja adnosiny.
«U svajoj impierskaj apantanaści rasijski prezident parušyŭ mižnarodnaje prava, ździejśniŭ zachop ziamli, pastaviŭ pad sumnieŭ miežy. Rasijski napad — heta napad na ŭsie ŭroki, jakija śviet vynies ź dźviuch suśvietnych vojn», — skazaŭ prezident FRH.
Štajnmajer papiaredziŭ, što krainu čakajuć «niaprostyja hady». Jon zajaviŭ, što ŭ suviazi z vajnoj i enierhietyčnym kryzisam žycharam daviadziecca achviaravać. Adnak niamiecki prezident vystupiŭ u abaronu ŭviedzienych suprać Rasii sankcyj i pavyšeńnia vydatkaŭ na abaronu.
U Kijeŭ Štajnmajer trapiŭ z treciaj sproby. Pieršyja vizity płanavalisia jašče ŭ krasaviku, ale byli adkładzienyja ŭkrainskim bokam z-za nierašučaj i aściarožnaj pazicyi Bierlina, jakaja ŭ Kijevie zdavałasia prarasijskaj.
-
Vučyč pryvioŭ u prykład biełaruskuju roŭnaść rehijonaŭ i pastaviŭ Barysaŭ u adzin šerah ź Minskam
-
Ukraina stvoryć Nacyjanalny panteon u Kijeva-Piačerskaj łaŭry. Čym jon budzie adroźnivacca ad aficyjoznaha panteona ŭ Biełarusi?
-
U Tehieranie prachodzić raźvitańnie z Ali Chamieniei: Miadźviedzieŭ pahražaje błakadaj pralivaŭ, a novy lidar Irana chavajecca ŭ bunkiery
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki7
Kamientary