Pra imknieńnie dabivacca pazbaŭleńnia Rasii ŭdziełu ŭ suśvietnym futbolnym žyćci zajaviŭ prezident futbolnaj fiederacyi Ukrainy Andrej Paviełka. Jon skazaŭ, što listy z patrabavańniem vyklučyć Rasiju z UEFA i FIFA ŭžo nakiravanyja adrasatam.
Ukraina tak adreahavała na ŭčarašni dakład vice-premjera Dźmitryja Čarnyšenki Uładzimiru Pucinu. Tam čynoŭnik zajaviŭ, što Rasija, maŭlaŭ, hatovaja intehravać u svaju futbolnuju strukturu kłuby z Kryma i akupavanych terytoryj.
Krymskija kamandy sprabavali heta zrabić z 2014 hoda, ale FIFA vystupała kateharyčna suprać. Ciapier ža, kali rasiejski futboł — jak i bolšaść vidaŭ sportu — i tak pad sankcyjami z-za pačatku vajny, ułady hatovyja pajści na toje, kab aficyjna pryniać u svoj čempijanat kamandy z Kryma, Daniecka, Łuhanska i častak Chiersonskaj i Zaparožskaj abłaściej.
Ciapier siabroŭstva Rasii ŭ FIFA i UEFA prosta zamarožanaje. Kali ž uklučeńnie novych kłubaŭ adbudziecca, heta budzie aznačać poŭny razryŭ adnosin Rasii z usim futbolnym śvietam.
Kamientary