MZS Ukrainy: Ułady Biełarusi abvinavacili Kijeŭ u padrychtoŭcy ŭdaru pa Biełarusi, pasłu ŭručyli notu
Jak paviedamlaje MZS Ukrainy, uviečary 8 kastryčnika ŭ MZS Biełarusi byŭ zaprošany pasoł Ukrainy ŭ Minsku Ihar Kizim, jakomu była ŭručanaja dypłamatyčnaja nota.
U nocie biełaruski bok śćviardžaje, što Ukraina nibyta płanuje naniasieńnie ŭdaru pa terytoryi Biełarusi.
«Hetaja infarmacyja nie adpaviadaje rečaisnaści, my kateharyčna nie prymajem čarhovyja insinuacyi biełaruskaha režymu. Nie vyklučajem, što ŭručeńnie dypłamatyčnaj noty moža być častkaj płana Rasijskaj Fiederacyi pa ažyćciaŭleńni pravakacyi i nastupnym abvinavačvańni Ukrainy», — vykazalisia ŭ MZS Ukrainy.
Jany prosiać biełaruski narod nie paddavacca na pravakacyi.
«Ukraina nikoli nie zamachvałasia na čužyja terytoryi. My vyrazna prytrymlivajemsia asnovatvornych normaŭ i pryncypaŭ mižnarodnaha prava i Statuta AAN.
Ułada ŭ Biełarusi pavinna pierastać vykonvać kapryzy Kramla i nieadkładna pierastać akazvać padtrymku Rasii ŭ ažyćciaŭleńni jaje ahresii suprać Ukrainy», — skazana ŭ zajavie ŭkrainskaha viedamstva.
Na sajcie biełaruskaha MZS pra heta pakul ničoha nie paviedamlajecca.
-
Cichanoŭski raskazaŭ, jak za dapamohu jamu asudzili inšaha viaźnia, što siadzieŭ nie za palityku
-
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii
-
«Kaleśnikavu pierad sustrečaj z baćkam sprabavali pryvieści ŭ paradak — jana była na ŭzmocnienym charčavańni»
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary
Putinskaja chunta płanirujet jadiernyj udar, iŝiet pričinu. A chołopy Łukašienko siejčas aypołniajut komandu tiafkańja.