Hramadstva

Biełarusy z usiaho śvietu mohuć dałučycca da akcyi «Noč paetaŭ»

Noč paetaŭ — pamiatny čas. Sioleta jana prachodzić na fonie niaspynnych represij, u tym liku skiravanych na dziejačaŭ kultury ŭ Biełarusi, na fonie ŭkrainskaj trahiedyi. Heta nadaje jašče bolšuju značnaść padziei. I ŭ joj moža pryniać udzieł kožny, dadaŭšy svaju imprezu pamiaci praz admysłovuju formu na sajcie.

Noč z 29 na 30 kastryčnika 1937 hoda — trahičnaja data biełaruskaj historyi XX stahodździa. Tady ŭ Minsku, mierkavana va ŭročyščy Kurapaty, byli rasstralanyja 108 biełaruskich dziaržaŭnych, kulturnych dziejačaŭ i navukoŭcaŭ. Siarod ich 22 litaratary: paety, prazaiki, pierakładčyki, krytyki. 

Siońnia my nazyvajem hetuju datu Nočču paetaŭ i ŭ hetyja dni addajom daninu pamiaci našym vydatnym tvorcam, jakija byli fizična źniščanyja tahačasnym režymam. Ale ich pamknieńnie da svabody tvorčaści, ich volny duch, ich avanturyzm, ekśpierymientatarstva ŭ paezii i ciapier praciahvajuć natchniać našych sučaśnikaŭ.

Štohod 29-30 kastryčnika prachodziać akcyi pamiaci, litaraturna-muzyčnyja viečaryny, simvaličnymi hierojami jakich stanoviacca našy rasstralanyja paety. Letaś maštab akcyi pierakročyŭ miežy Biełarusi i siahnuŭ daloka za akijany. Tady prajšło kala 40 imprez u 38 haradach śvietu. 

Noč paetaŭ — pamiatny čas. Sioleta jana prachodzić na fonie niaspynnych represij, u tym liku kulturnych dziejačaŭ u Biełarusi, na fonie ŭkrainskaj trahiedyi. Heta nadaje jašče bolšuju značnaść padziei. 

My pamiatajem svaich rasstralanych tvorcaŭ, śpiavajem pieśni na ich vieršy i čytajem knihi. My zhadvajem pra ich nie tolki z sumam, ale i z udziačnaściu — za tuju luboŭ da žyćcia, što i siońnia hučyć sa staronak starych vydańniaŭ, śviecicca na fotazdymkach. 

Ciaham usiaho kastryčnika na admysłovy sajt buduć dadavacca materyjały, pryśviečanyja represavanym paetam, na YouTube-kanałach partnioraŭ vyjdzie niekalki prahramnych videa (u tym liku — videaviersija śpiektakla «Za što» litoŭskaha režysiora Andrusa Darały pra padziei kastryčnika 1937 hoda). Taksama zapłanavanaja afłajn-prezientacyja novaha vydańnia knihi «(Nie)rasstralanyja». 

Vy taksama možacie dałučycca da «Nočy paetaŭ». Praz admysłovuju formu na sajcie možna prapanavać imprezu, tym samym dadać jaje na ahulnuju mapu. Heta nie abaviazkova musić być maštabnaja akcyja. Tematyčnaja viečaryna dla siabroŭ, supolny prahlad filma, čytańnie vieršaŭ u haradskim parku — taksama forma ŭšanavańnia pamiaci. 

Sačycie za abnaŭleńniami na sajcie, dadavajcie svaje imprezy na mapu i davajcie praviadziom Noč paetaŭ razam.

Kamientary

Ciapier čytajuć

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam16

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam

Usie naviny →
Usie naviny

Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»11

«U žyćci kožnaha byvaje apatyja». Kaciarynu Kaznadziej znajšli9

Dziŭnuju haračuju plamu na poli zaŭvažyli pad Brestam4

Benksi prezientavaŭ novuju pracu, ale nie skazaŭ, dzie znachodzicca1

Siońnia pačynajecca sud nad Ninaj Bahinskaj7

Kab źniać prapahandyscki klip, prydvorny kampazitar Alejnik vyciahnuŭ litaralna z-pad kropielnicy 86-hadovuju babulu11

U DTZ u Voranaŭskim rajonie zahinuła adnahadovaje dzicia

Słavakija viartaje ŭ Biełaruś pasła11

Raspracavany pieršy za 50 hadoŭ antybijotyk suprać śmiarotnaj supierbakteryi

bolš čytanych navin
bolš łajkanych navin

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam16

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam

Hałoŭnaje
Usie naviny →

Zaŭvaha:

 

 

 

 

Zakryć Paviedamić