U Niamieččynie padazrajuć, što ŭciečki hazu na «Paŭnočnych patokach» stali śledstvam dyviersii
U Niamieččynie padazrajuć, što ŭciečki hazu na nitkach rasijskich hazapravodaŭ «Paŭnočny patok» praz Bałtyjskaje mora źjaŭlajucca śledstvam naŭmysnych dziejańniaŭ. Pra heta piša Tagesspiegel sa spasyłkaj na krynicu ŭ kampietentnych orhanach, što maje dostup da infarmacyi pra rasśledavańnie.
«My nie možam padać viersiju, jakaja b nie ŭklučała metanakiravanuju ataku. Usio śviedčyć pra toje, što heta nie vypadkovaść», — skazaŭ surazmoŭca.
U noč na 26 vieraśnia dyśpietčar bierahavoj placoŭki «Paŭnočnaha patoku — 2» zafiksavaŭ rezkaje padzieńnie cisku ŭ trubapravodzie. Akramia taho, uciečka hazu zafiksavanaja z abiedźviuch nitkach pieršaha «Paŭnočnaha patoku» ŭ vyklučnaj ekanamičnaj zonie Danii na paŭnočny ŭschod ad vostrava Borncholm.
Dackaje enierhietyčnaje ahienctva źviarnułasia da kampanii Energinet, jakaja adkazvaje za ahulnuju pracu dackaj elektraenierhietyčnaj i hazavaj sistem, z prośbaj pavysić uzrovień hatoŭnaści elektraenierhietyčnaha i hazavaha siektara Danii paśla ŭciečak hazu. Vakoł zon uciečak ustanoŭlenyja piacimilnyja zabaronnyja zony dla sudnachodstva.
Pakolki nivodny z trubapravodaŭ nie byŭ u ekspłuatacyi, incydenty pakul nie majuć značeńnia dla pastavak hazu ŭ Jeŭropu.
Kampanija-apieratar «Paŭnočnaha patoku» Nord Stream AG nazvała incydenty adnačasova na troch nitkach hazapravoda biesprecedentnymi i zajaviła, što nie moža acanić terminy adnaŭleńnia infrastruktury.
Kamientary