У Нямеччыне падазраюць, што ўцечкі газу на «Паўночных патоках» сталі следствам дыверсіі
У Нямеччыне падазраюць, што ўцечкі газу на нітках расійскіх газаправодаў «Паўночны паток» праз Балтыйскае мора з'яўляюцца следствам наўмысных дзеянняў. Пра гэта піша Tagesspiegel са спасылкай на крыніцу ў кампетэнтных органах, што мае доступ да інфармацыі пра расследаванне.
«Мы не можам падаць версію, якая б не ўключала мэтанакіраваную атаку. Усё сведчыць пра тое, што гэта не выпадковасць», — сказаў суразмоўца.
У ноч на 26 верасня дыспетчар берагавой пляцоўкі «Паўночнага патоку — 2» зафіксаваў рэзкае падзенне ціску ў трубаправодзе. Акрамя таго, уцечка газу зафіксаваная з абедзвюх нітках першага «Паўночнага патоку» ў выключнай эканамічнай зоне Даніі на паўночны ўсход ад вострава Борнхольм.
Дацкае энергетычнае агенцтва звярнулася да кампаніі Energinet, якая адказвае за агульную працу дацкай электраэнергетычнай і газавай сістэм, з просьбай павысіць узровень гатоўнасці электраэнергетычнага і газавага сектара Даніі пасля ўцечак газу. Вакол зон уцечак устаноўленыя пяцімільныя забаронныя зоны для суднаходства.
Паколькі ніводны з трубаправодаў не быў у эксплуатацыі, інцыдэнты пакуль не маюць значэння для паставак газу ў Еўропу.
Кампанія-аператар «Паўночнага патоку» Nord Stream AG назвала інцыдэнты адначасова на трох нітках газаправода беспрэцэдэнтнымі і заявіла, што не можа ацаніць тэрміны аднаўлення інфраструктуры.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары