Rasijskaja žurnalistka Faryda Rustamava, spasyłajučysia na krynicy ŭ Kramli, paviedamiła, što pucinski zvarot da nacyi ab mabilizacyi byŭ zapisany zahadzia. Jaho pakazali ŭ efiry ranicaj 21 vieraśnia, a paśla taho, jak u hety samy dzień rasijski lidar naviedaŭ Nižni Noŭharad, «u Pucina pačaŭsia pierapynak u publičnaj dziejnaści», jaki budzie doŭžycca jak minimum tydzień.
Kab adsutnaść Pucina nie kidałasia ŭ vočy, jon nibyta zrabiŭ šmat tak zvanych «kansiervaŭ» — zahadzia źniatych dvuchbakovych sustreč, jakija pres-słužba publikuje ŭ patrebny joj čas. «Kansiervy» płanujecca vykarystoŭvać jak minimum da budučaha čaćviarha, kali ŭ Pucina ŭ hrafiku staić vizit u bujny pramysłovy rehijon, piša Rustamava.
Adzin ź jaje surazmoŭcaŭ zajaviŭ, što ź viečara 21 vieraśnia Pucin adpačyvaje «dušoj i ciełam» u svajoj rezidencyi na Vałdai ŭ Naŭharodskaj vobłaści. 23 vieraśnia jaho nie było na kancercie ŭ centry Maskvy ŭ padtrymku «refierendumaŭ» na akupavanych terytoryjach Ukrainy. Jak zajaŭlaŭ jaho pres-sakratar Dźmitryj Piaskoŭ, pryčynaj hetamu nibyta stała praca ŭ Kramli.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Čieriez niedielku vysuniet nos, priniuchajetsia, jeśli vsie spokojno, vyleziet.