Žurnalista «Svabody» Aleha Hruździłoviča vypuścili raniej terminu
21 vieraśnia 63-hadovy Aleh Hruździłovič, jakoha asudzili na 1,5 hoda źniavoleńnia, vyjšaŭ na volu z mahiloŭskaj kałonii №15. Hruździłovič prabyŭ za kratami amal 9 miesiacaŭ, piša «Radyjo Svaboda».
U kałonijach taksama zastajucca inšyja žurnalisty «Radyjo Svaboda» Andrej Kuźniečyk i Ihar Łosik.
«U Aleha skrali čas, pakul jon byŭ niespraviadliva źniavoleny, jaki jon i jaho siamja nikoli nie viernuć, i ja vielmi ščaślivy, što ciapier jon uźjadnajecca sa svajoj žonkaj i inšymi blizkimi, — skazaŭ prezident «Radyjo Svabodnaja Eŭropa/Radyjo Svaboda» (RFE/RL) Džejmi Fłaj. — Ja ŭdziačny pradstaŭnikam mižnarodnaj i pravaabarončaj supolnaści za niaspynnuju padtrymku ŭ spravie Aleha, ale naša praca nie skončanaja. Ihar Łosik i Andrej Kuźniečyk taksama pavinny być nieadkładna vyzvalenyja».
3 sakavika 2022 hoda Hruździłoviča asudzili na paŭtara hoda pazbaŭleńnia voli nibyta za arhanizacyju masavych biesparadkaŭ i ŭdzieł u ich.
Pavodle infarmacyi «Radyjo Svaboda», Hruździłovič adrazu paśla vyzvaleńnia pakinuŭ Biełaruś.
Aleha Hruździłoviča adpuścili raniej za vyznačany jamu termin. U hetym vyzvaleńni byłoha žurnalista «Radyjo Svaboda» bačycca žadańnie łukašenkaŭcaŭ pasłać sihnał Złučanym Štatam.
Adrazu paśla vyzvaleńnia Hruździłovič daŭ pieršaje intervju, ź jakoha stała viadoma, što jon padpisaŭ prašeńnie ab pamiłavańni, choć viny svajoj u im, jak śćviardžaje, nie pryznavaŭ.
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy23
Kamientary