Hienprakuratura Biełarusi raspačała kryminalnyja spravy suprać ukrainskaha deputata Hančarenki
Narodnamu deputatu Alaksieju Hančarenku inkryminujucca «pahroza hvałtam u dačynieńni da Łukašenki» i «dyskredytacyja krainy». Deputat reahuje na heta z humaram.
Učora deputat adkazaŭ na vinšavańnie Łukašenki z Dniom Niezaležnaści Ukrainy, što «ŭ nastupny Dzień niezaležnaści Ukrainy Łukašenka budzie visieć na słupie. I biełaruski narod budzie volny i budzie žyć u demakratyčnaj dziaržavie!».
«Ustanoŭlena, što padazravany ŭ suviazi ź vinšavańniem Alaksandram Łukašenkam naroda Ukrainy z Dniom niezaležnaści raźmiaściŭ u sietcy internet publikacyju, u jakoj utrymlivalisia pahroza ŭ dačynieńni da Alaksandra Łukašenki, a taksama iłžyvyja źviestki ab palityčnym i sacyjalnym stanoviščy ŭ Biełarusi», — paviedamili ŭ Hienprakuratury.
U adkaz na zaviadzieńnie kryminalnaj spravy Hančarenka adkazaŭ i vostra, i daścipna:
«Moj aficyjny kamentar: Pajšoŭ ty za rasiejskim karablom, Łukašenka», — zajaviŭ Hančarenka. A pra svaje kryminalnyja spravy napisaŭ:
«Adno pytańnie, a dzie ja pahražaŭ hvałtam Śviatłanie Cichanoŭskaj? Ja pahražaŭ vašamu kłoŭnu-Łukašenku, jaki niezakonna zachapiŭ uładu i jakomu vy dapamahajecie zaniavolić moj lubimy biełaruski narod. Žyvie Biełaruś!»
Učora Łukašenka nakiravaŭ vinšavańni ŭkrainskamu narodu i pažadaŭ jamu mirnaha nieba. Praź niekalki hadzin z terytoryi Biełarusi praciahnulisia rakietnyja ŭdary pa Ukrainie.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary