Генпракуратура Беларусі распачала крымінальныя справы супраць украінскага дэпутата Ганчарэнкі
Народнаму дэпутату Аляксею Ганчарэнку інкрымінуюцца «пагроза гвалтам у дачыненні да Лукашэнкі» і «дыскрэдытацыя краіны». Дэпутат рэагуе на гэта з гумарам.
Учора дэпутат адказаў на віншаванне Лукашэнкі з Днём Незалежнасці Украіны, што «ў наступны Дзень незалежнасці Украіны Лукашэнка будзе вісець на слупе. І беларускі народ будзе вольны і будзе жыць у дэмакратычнай дзяржаве!».
«Устаноўлена, што падазраваны ў сувязі з віншаваннем Аляксандрам Лукашэнкам народа Украіны з Днём незалежнасці размясціў у сетцы інтэрнэт публікацыю, у якой утрымліваліся пагроза ў дачыненні да Аляксандра Лукашэнкі, а таксама ілжывыя звесткі аб палітычным і сацыяльным становішчы ў Беларусі», — паведамілі ў Генпракуратуры.
У адказ на завядзенне крымінальнай справы Ганчарэнка адказаў і востра, і дасціпна:
«Мой афіцыйны камэнтар: Пайшоў ты за расейскім караблём, Лукашэнка», — заявіў Ганчарэнка. А пра свае крымінальныя справы напісаў:
«Адно пытаньне, а дзе я пагражаў гвалтам Сьвятлане Ціханоўскай? Я пагражаў вашаму клоўну-Лукашэнку, які незаконна захапіў уладу і якому вы дапамагаеце заняволіць мой любімы беларускі народ. Жыве Беларусь!»
Учора Лукашэнка накіраваў віншаванні ўкраінскаму народу і пажадаў яму мірнага неба. Праз некалькі гадзін з тэрыторыі Беларусі працягнуліся ракетныя ўдары па Украіне.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў54
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1818
Каментары