17 žniŭnia hramadzianin Polščy źviarnuŭsia da biełaruskich pamiežnikaŭ z prośbaj nadać jamu status uciekača.
Pra heta paviedamlaje pres-słužba Dziaržaŭnaha pamiežnaha kamiteta, adznačajučy, što rašeńnie pajści ŭ Biełaruś i źviarnucca za abaronaj mužčyna pryniaŭ «praz aściarohi za ŭłasnaje žyćcio i zdaroŭje».
Imia palaka pakul nie nazyvajecca.
Heta ŭžo treci taki viadomy vypadak.
Raniej, u śniežni 2021 hoda, padčas mihracyjnaha kryzisu na miažy ź ES u Biełaruś trapiŭ polski vajskoviec Emil Čečka. Paśla jaho nieadnarazova vykarystoŭvała biełaruskaja prapahanda. Adnak praz try miesiacy Čečka byŭ znojdzieny ŭ Minsku paviešanym.
8 červienia ŭ Biełaruś pryjechaŭ Marcin Mikałajek i paprasiŭ palityčny prytułak, śćviardžajučy, što na radzimie jamu pahražaje turma za padtrymku vajny va Ukrainie.
U svaju čarhu, pa danych Upraŭleńnia pa spravach zamiežnikaŭ, na 30 červienia 2022 hoda ŭ Polščy žyło 67 tysiač hramadzian Biełarusi.
Ź ich 28,2 tysiačy majuć pastajanny dazvoł na žycharstva, 20 tysiač — časovy dazvoł na žycharstva, 2,4 tysiačy — dadatkovuju abaronu, jakaja nadajecca ludziam, jakija paciarpieli ad palityčnaha pieraśledu.
Jašče 864 čałaviekam vydadzieny dazvoł na znachodžańnie doŭhaterminovaha rezidenta ES. Taksama 508 biełarusaŭ atrymali ŭ Polščy časovuju abaronu, a 294 — status biežanca.
Plus 15,3 tysiačy čałaviek majuć inšyja dziejnyja dakumienty, jakija dajuć dazvoł na znachodžańnie ŭ Polščy.
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary