«Hatovy tracić na jaje 500 rubloŭ u miesiac». Minčuk raźmiaściŭ na mašynie abjavu ab pošuku dziaŭčyny i raskazvaje navošta
Apošnija adnosiny ŭ Mikałaja byli dva z pałovaj hoda tamu. Z tych časoŭ u chłopca nijak nie atrymlivajecca znajści kachanuju. «Bolšaść viadziecca tolki na hrošy», — kaža. Jon paviesiŭ abjavu na mašynu: šukaju dziaŭčynu dla surjoznych adnosin. Prajekt «1906» daviedaŭsia, jakija patrabavańni ŭ chłopca i čamu tyndar jamu ŭ hetym nie pamočnik. My pieradrukoŭvajem hety tekst.
«Heta kryk dušy, — kaža Mikałaj. — Pakaleńnie ž sučasnaje, usie znajomiacca ŭ internecie, ale ja vyrašyŭ vyłučycca, zrabić nalepku na mašynie.
Pačaŭ tak šukać dziaŭčynu, tamu što ŭ naš čas, u maim uzroście (mnie 22 hady), bolšaść dziaŭčat viaducca na hrošy. Napisaŭ, kab adrazu zrazumieła ŭsio było».
Asabista ŭ Mikałaja dośviedu, kab dziaŭčyna ciahnuła ź jaho tolki hrošy, nie było. Jamu pra takija vypadki raskazvali siabry i znajomyja.
«Kali, naprykład, uziać tuju ž samuju vulicu Zybickuju, to tam u dziaŭčat jak? Iduć vypić i znajści tych, chto za heta zapłacić.
Ja naprykancy maja viarnuŭsia z vojska. I niejak śvietapohlad nakont adnosin mocna pamianiaŭsia. Bolšaść dziaŭčat, navat chłopcaŭ majho ŭzrostu, siadziać u baćkoŭ na šyi. Mnohija dziaŭčaty šukajuć mužčyn z hrašyma, ale jany nie ŭ kursie, jak ciažka hetyja hrošy zarablać.
Traŭmatyčnaha dośviedu niejkaha ŭ mianie nie było, prosta baču, što takich dziaŭčat šmat. Zrazumiełaja sprava, što kali vy kudyści idziacie, to chłopiec pavinien zapłacić, heta etykiet», — raskazvaje jon.
Z apošniaj dziaŭčynaj, jakaja była ŭ Mikałaja dva z pałovaj hoda tamu, jašče da armii, adnosiny nie skłalisia.
«U niejki momant my pierastali razumieć adno adnaho, — dzielicca jon. — Praciahvalisia adnosiny 7 miesiacaŭ.
Mnie prosta chočacca z čałaviekam być na adnoj chvali, kab my razumieli adno adnaho. Heta składana, musić. Viadoma, mohuć być svarki, ale ž ich možna vyrašyć biez kryku, bićcia posudu.
Ja sprabavaŭ znajomicca ź dziaŭčatami ŭ žyćci, ale ŭ asnoŭnym jany ŭsie albo zaniatyja byli, albo admaŭlali. Kali iści znajomicca ŭ niejki kłub ci kali dziaŭčyna padvypiła, to tut užo praściej. Kali jany ćviarozyja, paznajomicca ŭ razy składaniej».
Mikałaj kaža, što jon šukaje mienavitu tuju, ź jakoj možna budzie budavać surjoznyja adnosiny. Seks na adzin raz jaho nie cikavić.
«I ŭ mianie takoha nie było. Nie razumieju prosta, u čym sens. I, darečy, dziaŭčaty, jakija mnie traplalisia, surjoznych adnosin čamuści nie chacieli.
Jašče sprabavaŭ znajomicca ŭ tyndary, «Badu» i na inšych servisach. Niejak nie skłałasia. Tam usie šukajuć seks na adzin raz abo kab ich zvadzili kudy-niebudź. Čaściej za ŭsio ŭ takich dziaŭčat jość niekalki kavaleraŭ, jakimi jany karystajucca pa čarzie», — ličyć Mikałaj.
Chłopiec miarkuje, što paśla 25 hadoŭ pavodziny ŭ dziaŭčat mianiajucca.
«U ich heta niejkim čynam prachodzić.
Časta jašče ŭ dziaŭčat jość zahony nakont minułych adnosin, paśla jakich jany nie daviarajuć chłopcam. Heta taksama z uzrostam prachodzić.
Nie maje značeńnia, kolki joj budzie hadoŭ, jakoha koleru vałasy, vočy, vysokaja ci nizkaja. Prosta, kab była dobraja, kłapatlivaja, umieła vyśviatlać prablemy adrazu.
U cełym usio zaležyć ad znosin. Kali znajomišsia ŭ internecie, možacie pierapisvacca dzień-dva, a byvaje, što navat sustrenieciesia niekalki razoŭ. Dalej užo składajecca ŭ ciabie psichałahičny partret, uražańnie ab čałavieku. Z hetaha možna zrazumieć, tvoj čałaviek ci nie», — raskazvaje jon.
Va ŭsich siabroŭ chłopca jość dziaŭčaty, u niekatorych navat niaviesty. Mikałaj siarod ich adzin biez pary.
«Ja šmat pracuju (zajmajusia mašynami), ale čas udzialić dziaŭčynie, kudyści źjeździć ci schadzić, zaŭsiody znajdu. Tut hałoŭnaje žadańnie.
Hrošy ŭ mianie jość. Na mašynie heta ja ŭžo bolš žartam. Pracuju z 16 hadoŭ, zarabiŭ. Hatovy tracić na dziaŭčynu 500 rubloŭ u miesiac. Siudy ŭvachodzić kudyści schadzić i niešta nabyć», — padsumoŭvaje jon.
Kamientary
chłapiec zusim ku-ku
jon užo i padličyŭ, kolki hatovy tracić - 500 rubleŭ
vidać, Habsiek jašče toj!