«Hazpram transhaz Biełaruś», Biełčyhunka i «inšyja fłahmany». Śledčy kamitet raskazaŭ pra zmahańnie z chabarnictvam
Śledčy kamitet rasśleduje kryminalnuju spravu ŭ dačynieńni da słužbovych asob AAT «Hazpram transhaz Biełaruś». Top-mieniedžaraŭ kampanii abvinavačvajuć u chabarach za łabiravańnie intaresaŭ asobnych pastaŭščykoŭ. Pra heta zajaviŭ načalnik Hałoŭnaha ŭpraŭleńnia Śledčaha kamiteta Uładzimir Šyško padčas pres-kanfierencyi na temu «ab mierapryjemstvach pa baraćbie sa złačynnaściu i karupcyjaj u Biełarusi».
«Ceły šerah vysokapastaŭlenych słužbovych asob hetaj arhanizacyi zajmalisia atrymańniem niezakonnaha ŭznaharodžańnia ad kamiercyjnych struktur za pastaŭku abo nie pastaŭku abstalavańnia. Uznaharodžańnie składała sotni tysiač biełaruskich rubloŭ», — raskazaŭ padčas pres-kanfierencyi Uładzimir Šyško.
Ciapier vyrašajecca pytańnie ab kampiensacyi hetych hrošaj, asnoŭnaja masa fihurantaŭ spravy daje pryznalnyja pakazańni, zapeŭniŭ Šyško. Pry hetym, pavodle jaho: «Supracoŭniki kampanii prosta ciapier, nie čakajučy zakančeńnia rasśledavańnia, prymajuć miery pa likvidacyi tych ščylin, jakija mielisia ŭ ich dziejnaści. «Za što jany nam, ščyra kažučy, prosta kažuć: «Dziakuj!».
Pradstaŭnik SK taksama raskazaŭ, što anałahičnaja kryminalnaja sprava była raspačataja ŭ dačynieńni da słužbovych asob Biełaruskaj čyhunki, u najbližejšy čas jaje pavinny pieradać u sud. Jość taksama spravy, zaviedzienyja ŭ dačynieńni da «topavych pradpryjemstvaŭ, u tym liku fłahmanaŭ», i pamiery chabaraŭ tam składajuć «miljony dalaraŭ».
Ahulnyja straty ad karupcyjnych złačynstvaŭ za pieršaje paŭhodździe biahučaha hoda nibyta skłali bolš za dzieviać miljonaŭ rubloŭ. Samy vialiki chabar, zafiksavany ŭ Biełarusi za apošni hod, — kala 1 młn dalaraŭ.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek3
Kamientary