«Jak by Łukašenka zadam ni kruciŭ svaim adsiedžanym». Biełarusam varta zrazumieć, što niezaležnaść aznačaje vajnu, kaža Strałkoŭ
Były ministr abarony tak zvanaj «DNR» Ihar Strałkoŭ-Hirkin, jaki ciapier krytykuje rasijskija ŭłady za nierašučaść i niepiśmiennaść vajskovych dziejańniaŭ, prahnazuje pastupovaje pavieličeńnie linii frontu. Biełaruś, pavodle jaho mierkavańnia, taksama apyniecca na linii frontu, a kali biełarusy zachočuć sapraŭdnaj niezaležnaści ad Rasii, to «budzie jak va Ukrainie».
«Ja dumaju, što front budzie pastupova daŭžeć pa miery taho, jak u «pavažanych kijeŭskich partnioraŭ» budzie narastać ich siła i kolkaść vojskaŭ. Pastupova front ad Charkaŭskaj vobłaści praciahniecca da miažy ź Biełaruśsiu. Druhi front budzie ŭ nas, vierahodna, — Prydniastroŭje. Treci front — heta Biełaruś», — skazaŭ Strałkoŭ-Hirkin padčas adnaho sa strymaŭ.
Pavodle jaho mierkavańnia, Łukašenka nie zmoža manieŭravać u hetym pytańni.
«Jak by Łukašenka zadam ni kruciŭ svaim adsiedžanym, rana ci pozna «partniory» zalezuć i ŭ Biełaruś. A ŭžo kali jany pabjuć, ci prynamsi paciaśniać Rasijskuju Fiederacyju, to tady možna nie sumniavacca, što spačatku tudy pojdzie bataljon imia Kalinoŭskaha», — pradrakaje Strałkoŭ-Hirkin.
Jon raspavioŭ, što Dźmitryj Jaraš napisaŭ artykuł pra toje, što Biełaruś treba vyzvalić.
«Jon [artykuł] pra toje, što Biełaruś dała svaju terytoryju Rasii dla ŭvarvańnia va Ukrainu, tamu Ukraina maje poŭnaje maralnaje prava [ustupić u Biełaruś]… Tak jano i budzie, možna nie sumniavacca. Varta ruskim prajhrać — nieadkładna».
Surazmoŭca Hirkina vykazaŭ dumku, što biełarusam udasca zachavać svaju niezaležnaść tolki sa zbrojaj u rukach.
«Biełarusam varta zrazumieć prostuju reč, što niezaležnaść aznačaje vajnu. Vielmi redka niejak pa-inšamu. Kali jany vybrali niezaležnaść ci buduć nastojvać na niezaležnaści, to ŭrešcie, heta pryviadzie da taho, jak na Ukrainie, tak ci inakš», — pahražaje jon.
Strałkoŭ całkam padtrymaŭ heta mierkavańnie.
Mnohija ekśpierty miarkujuć, što pravalnaja vajna z Ukrainaj užo asłabiła i budzie praciahvać asłablać Rasiju. Maskva vyjdzie ź jaje słabiejšaj i ŭ palityčnym płanie, i ŭ vajskovym płanie. Refleksii rasijskich šavinistaŭ jak Strałkoŭ adlustroŭvajuć adčuvańnie, što Rasija vymušanaja budzie adstupić.
Strałkoŭ-Hirkin: Praciŭnik abaraniajecca piśmienna, uparta i vałodaje stanoviščam
«Fanierny maršał nie skaža, što abhadziŭsia, tamu zajaviŭ pra nibyta paśpiachovy pieršy etap śpiecapieracyi». Rasijskija «jastraby» sabačacca pamiž saboj
-
Frydman: Čamu amierykancy raptam pavinny pastavić svajoj metaj vyzvaleńnie palitźniavolenych u Biełarusi i jašče bolš — abmianiać ich na sankcyi?
-
Dubaviec: Siła Ofisa Cichanoŭskaj u tym, što jon — za ŭsich biełarusaŭ, u tym liku i tych, jakija praročać jamu «kancy»
-
Karpaŭ Cichanoŭskamu: Davajcie dla pačatku paznajomimsia, a paśla ŭžo pasvarymsia
Ciapier čytajuć
Polšča pryznała Alaksandra Mašenskaha niepažadanaj asobaj27
Kamientary