U ministerstvie handlu rastłumačyli, jak sioleta buduć prymacca rašeńni pa roście taryfaŭ i pasłuh. U viedamstvie tłumačać, što płanavać dapuščalnaje padaražańnie ŭ hetym hodzie buduć z papraŭkaj na situacyju na ŭnutranym i źniešnich rynkach, piša Zerkalo.
Čynoŭniki raniej prydumali admysłovy «taryfny sšytak», u jakim raśpisvajuć prykładny hrafik i pamier płanavanaha pavieličeńnia koštu pasłuh i taryfaŭ. Ale na hety hod taki dakumient nie apublikavali. U ministerstvie zajavili, što rabić hetaha nie płanujuć. U viedamstvie rastłumačyli čamu i jak buduć prymacca rašeńni ab dapuščalnym roście cen.
— «Taryfny sšytak» u hetym hodzie nie publikavali z ulikam taho, što na mižnarodnym i našym rynku situacyja nie vielmi stabilnaja. Toje, što płanavałasia ŭ kancy minułaha hoda, i toje, što adbyvajecca ŭ siaredzinie hetaha, — źniešnija faktary absalutna adroźnivajucca. Tamu dziejničajem, zychodziačy ź situacyi, jakaja składvajecca pa kožnaj pasłuzie, — patłumačyŭ pieršy namieśnik ministra antymanapolnaha rehulavańnia Ivan Viežnaviec padčas žyvoj telefonnaj linii.
Spłanavać dapuščalny rost taryfaŭ i cen na pasłuhi ŭ ministerstvie nie mohuć z-za niestabilnaj cenavaj dynamiki jak na ŭnutranym, tak i na źniešnich rynkach, adznačyŭ namieśnik kiraŭnika ministerstva. Heta tyčycca ŭ tym liku koštu prajezdu ŭ hramadskim transparcie i cen na navučańnie, udakładniŭ pradstaŭnik ministerstva, adkazvajučy na pytańnie minčanki.
Ciapier čytajuć
Šrajbman z kalehami prapanavali pakrokavy płan deeskałacyi adnosin Biełarusi i ES39
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary