Hramadstva55

Rasśledavańnie: «Sprava traŭmatołahaŭ» dapamahła biznesu siabroŭki siamji Łukašenki

Viasnoj paśla hučnaj «spravy traŭmatołahaŭ» biełaruskija ŭłady zabaranili dziaržaŭnym balnicam pravodzić płatnyja apieracyi pa zamienie kalennych dy tazaściehnavych sustavaŭ. I biez taho vielizarnyja čerhi pacyjentaŭ raściahnulisia na hady. Adzinaj pryvatnaj klinikaj, jakaja maje dazvoł pravodzić padobnyja apieracyi, zastałasia klinika «Miersi». Zamianić sustaŭ u klinicy kaštuje našmat daražej, čym hety było ŭ dziaržaŭnych balnicach.

Klinika «Miersi». Fota: Yandex.by

Ludmiła Niaronskaja, čyja klinika «Miersi» stała manapalistam na biełaruskim rynku endapratezavańnia, maje ciesnyja suviazi ź siamjoj Viktara Łukašenki. Heta vyśvietlili žurnalisty «Biełaruskaha rasśledavalnaha centra» (BRC).

Vyvučyŭšy bazu pieralotaŭ ad «Kibierpartyzanaŭ», jany daviedalisia: padčas aficyjnaha vizitu Łukašenki ŭ AAE u 2019 hodzie Ludmiła Niaronskaja i žonka Viktara Łukašenki Lilija razam ź dziećmi taksama adpravilisia ŭ Dubaj. A nazad u Minsk jany viartalisia ŭžo na adnym biznes-džecie ź Viktaram Łukašenkam i supracoŭnikam Słužby biaśpieki Valeryjem Dzienisiukom.

Akramia hetaha, dzieci Niaronskaj i Lilii Łukašenki razam vučacca ŭ minskaj himnazii №16. A starejšaja dačka Lilii i Viktara Łukašenki Viktoryja letam 2021 hoda vyjšła zamuž za Dźmitryja Dziatłava, jaki prachodziŭ pieraddypłomnuju praktyku na pradpryjemstvie «Zachadtransekśpiedycyja», dzie dyrektaram źjaŭlałasia taksama Ludmiła Niaronskaja.

Klinika «Miersi», dola ŭ jakoj naležyć Niaronskaj, adzinaja ŭ Biełarusi praciahvaje stavić impartnyja pratezy. Dziaržaŭnyja kliniki spynili takija apieracyi paśla hučnaj «spravy traŭmatołahaŭ», pa vynikach jakoj u krasaviku hetaha hoda byli zatrymanyja 35 čałaviek, miedustanovy padvierhlisia pazapłanavym pravierkam, a ŭ niekatorych navat prypynili licenzii.

U «Miersi» impartnyja sustavy staviać pa cenach ŭ try razy vyšejšych, čym u dziaržaŭnych balnicach: z pacyjentaŭ u pryvatnaj klinicy biaruć da 8000 dalaraŭ.

Muž siastry Aleksina Aleh Hierasim aktyŭna raźvivaje jašče adzin miedycynski biznes, centr «Niea», vyśvietliŭ Biełaruski rasśledavalny centr.

Pieršaja klinika adkryłasia niekalki hadoŭ tamu ŭ Minsku. Prapanujuć u joj fizijaterapiju, manualnuju terapiju, ihołkaŭkołvańnie, kansultacyi śpiecyjalistaŭ.

Druhuju kliniku «Niea» niadaŭna pabudavali kala lečkamisii ŭ Ždanovičach pad Minskam na miescy byłoj hrazielačebnicy.

Z vosieni hetaha hoda ŭ novaj klinicy płanujuć pravodzić apieracyi z artraskopam na sustavach, u pryvatnaści takija pracedury, jak rekanstrukcyja sustaŭnaha chrastka i paškodžanaha mieniska.

Abiedźvie kliniki naležać pryvatnaj kampanii «Nieanafta», jakoj razam z Aleham Hierasimam vałodajuć Lidzija Ušakova i Aleh Piatroŭ. Jak vyśvietlili žurnalisty BRC, Ušakova i Piatroŭ — byłyja supracoŭniki kampanij aliharchaŭ Aleksina i Varabja.

Kamientary5

  • kudzieśnik
    12.07.2022
    A ja voś dumaju, što traŭmatołahi brali na łapu. I my ŭsie heta viedajem. Prosta saromiejemsia, bo chto nas lačyć budzie. 
    Ale brali. I ad pastaŭščykoŭ endapratezaŭ brali. A kamiercyjnaja kliinka - jakaja b nie była - tam ŭsio prazrysta. 
    Słuchajcie, tolki minzdraŭ nie zmoh by zrabić pastaŭki pratezaŭ nastolki brudnymi, jak jany jość. Ryła ŭ puchu u našych daktaroŭ. 
    Tamu traŭmałohahi i transpłantołahi u 2020 rezka asuždali ŭsich praciŭnikaŭ svajho prezidenta. Chaj pasiadziać. 
  • kudzieśnik
    12.07.2022
    Žar, Da brali jany chabary. Słuchajcie. Biudžetnaja ustanova. Nieprazrystaja čarha, kali adpraŭlali pacyjenta ŭ firmu kuplać sabie endapratez, jaki firma addavała artapiedu. Razam z kanviertam.  
    Prynamsi. Usie zahadčyki adździaleńniaŭ jeździli na darahich mašynach, niesuraźmiernych ich zarobkam. 
  • chieŭra
    12.07.2022
    dyk heta daŭno viadoma što siamiejka i nabližanyja kłany źjaŭlajucca vyhadaatrymalnikami ŭ kožnaj śfiery. voś taki łukašycki aliharchat

Ciapier čytajuć

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Usie naviny →
Usie naviny

Tramp vymušana spyniaje rejdy suprać imihrantaŭ u sielskaj haspadarcy i hatelnym biznesie3

Navukoŭcy znajšli prosty sposab paspryjać rostu raślin — muzyka, ale nie kožnaja20

Ryanair budzie štrafavać pasažyraŭ, jakija parušajuć paradak1

U Homieli 7 hadoŭ tamu pabudavali prybiralniu ledź nie za miljon dalaraŭ. Jak u joj ciapier?4

U Dubai zahareŭsia 67-paviarchovy chmaračos3

Što moža čakać tych, kaho buduć sudzić pa spravie «Biełaruskaha Hajuna»?

Łukašenka parekamiendavaŭ biełarusam nie nalahać na bulbu13

Izrailcianam prychodziać špijonskija paviedamleńni ad karespandentki ANT10

Usploski zakazaŭ picy kala Pientahona mahli śviedčyć pra budučuju ataku na Iran9

bolš čytanych navin
bolš łajkanych navin

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić