«Palašučka ź nienapisanaj kazki». Raskazvajem pra žančynu, jakoj prysudzili kałoniju za zvarot u Śledčy kamitet
Niadaŭna Ludmile Ramanovič prysudzili paŭtara hoda kałonii za dva słovy, napisanyja ŭ zvarocie pra Łukašenku. «Mnie niama ŭ kaho prasić prabačeńnia, aproč maich dziadoŭ», — kazała ŭ sudzie 57-hadovaj małarytčanka.
Ludmiła pracavała raniej inžynieram pieravažna ŭ dziaržaŭnych strukturach: rajvykankam, bank. Niejki čas praviała ŭ pryvatnaj budaŭničaj firmie.
Jana aktyvistka Partyi BNF i byłaja kandydatka ŭ deputaty Pałaty pradstaŭnikoŭ.
«Ludmiła vielmi pracavitaja žančyna, — kaža jaje pryjaciel. — Marnavać čas nie dla jaje. Asnoŭny zaniatak — heta chatniaja tvorčaść: vyšyvańnie, rośpis pa škle, Biblija. Jana čałaviek aktyŭny pa žyćci, z pačućciom spraviadlivaści, akuratystka.
Vielmi lubić pryrodu. U asnovie jaje śvietapohladu lažyć kultura biełaruskaha Paleśsia sa svaimi zvyčajami, pavahaj da ŭsiaho žyvoha i asiarodździa jaho isnavańnia. Les dla jaje bažastvo. Idučy ŭ hryby, jana biare z saboju simvaličnyja dary, kab paprasić u lesu jaho skarbaŭ. Palašučka ź nienapisanaj kazki».
Na Ramanovič zaviali kryminalnuju spravu za zvarot u SK — pa artykule 368 («abraza prezidenta»). Chacia siabry miarkujuć, što cisk na małarytčanku pačali praź jaje antyvajenny zvarot da Łukašenki. Hety list jana dasłała na pačatku sakavika na sajt jaho Administracyi. Žančyna vykazała pratest suprać mahčymaha ŭdziełu Biełarusi ŭ vajnie i patrabavała vyvieści z našaj terytoryi rasijskija vojski.
Zvarot ža ŭ SK Ludmiła pisała raniej, bo śledčyja vyklikali jaje pa niezrazumiełaj dla jaje spravie.
«Heta jaje razzłavała i padšturchnuła napisać skarhu ŭ SK. Asnoŭny pasył zvarotu byŭ taki — kab zajmalisia sapraŭdnaj pracaj, a nie niepatrebščynaj, — kaža inšy siabra žančyny. —
Abrazu Łukašenki ŭbačyli ŭ słovie «uzurpatar». A taksama vyrazie «jak šalony, biare kredyty». Bieraściejskaja ekśpiertyza pierakłała słova na ruskuju, jak «biešienyj». Ździŭlaje sam fakt pierakładu słova ź dziaržaŭnaj biełaruskaj movy na ruskuju. Byccam u sudova-pravavoj sistemie pracujuć ludzi, jakija absalutna nie viedajuć dziaržaŭnaj movy».
U apošnim słovie pierad prysudam Ludmiła kazała:
«Mnie niama ŭ kaho prasić prabačeńnia. Adzinyja, kaho prašu mianie prabačyć — heta maje dziady, adzin ź jakich zahinuŭ padčas vajny na terytoryi Polščy, a druhi byŭ raskułačany i asudžany da łahiera. Ja prašu ŭ ich prabačeńnia za toje, što za ŭvieś čas narmalnaj demakratyčnaj krainy my tak i nie pabudavali».
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary