Połk Kalinoŭskaha paviedamlaje, što razam z Uzbrojenymi siłami Ukrainy prykładaje namahańni pa vyzvaleńni bajcoŭ Jana «Trombli» Dziurbiejki i Siarhieja «Klašča» Dziohcieva. Abodva jany ŭklučanyja ŭ śpis na abmien vajennapałonnych.
Ukrainskaje hramadzianstva jość tolki ŭ niekalkich kalinoŭcaŭ. Usie bajcy majuć kantrakty z Uzbrojenymi siłami Ukrainy i vajennyja bilety, jakija dajuć prava lehalna znachodzicca na terytoryi Ukrainy i mahčymaść atrymać vid na žycharstva. Pietycyja, jakaja tyčyłasia atrymańnia ŭkrainskaha hramadzianstva dobraachvotnikami, nabrała nieabchodnuju kolkaść podpisaŭ i pavinna być razhledžanaja Zialenskim.
Za čas vajny 40 kalinoŭcaŭ atrymali ranieńni. Častka ź ich na lačeńni, častka na reabilitacyi, častka viarnułasia ŭ stroj.
Zahinułymi ličacca siamiora — Illa «Lićvin» Chrenaŭ, Źmicier «Teror» Apanasovič, Pavieł «Vołat» Susłaŭ, Ivan «Brest» Marčuk, Vasil «Siabro» Parfiankoŭ, Vadzim «Papik» Šatroŭ, Vasil «Atam» Hrudovik. Cieły apošnich čatyroch, jakija ŭdzielničali ŭ bai pad Lisičanskam, połk jašče nie viarnuŭ, tamu aficyjna kalinoŭcy ličacca źnikłymi bieź źviestak.
Chto jon — pałonny kalinoviec Jan Dziurbiejka?
Raskazvajem pra biełarusa Siarhieja Dziohcieva — druhoha kalinoŭca ŭ pałonie
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii12
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie3939
Kamientary