Raskazvajem pra biełarusa Siarhieja Dziohcieva — druhoha kalinoŭca ŭ pałonie
Videa ź im siońnia apublikavali rasijskija telehram-kanały. Połk Kalinoŭskaha paćvierdziŭ: Dziohcieŭ uziaty ŭ pałon.
Siarhieju 34 hady, jon naradziŭsia i vyras u minskim rajonie Masiukoŭščyna. Vučyŭsia ŭ 150-j škole ŭ tym ža rajonie. Pracavaŭ u kampanii «Mostra-Hrup», adnym z bujniejšych dystrybjutaraŭ spažyvieckich tavaraŭ.
U 2020 hodzie Siarhiej udzielničaŭ u baraćbie za svabodnyja vybary i adnaŭleńnie zakonnaści ŭ Biełarusi — viadoma, što jak minimum dvojčy jaho zatrymlivali, 18 kastryčnika 2020 hoda i 10 lutaha 2021 hoda. Ahułam jon adsiedzieŭ 25 sutak aryštu.
Na videa siłavikoŭ mužčyna kaža, što byŭ administrataram rajonnaha čata «Masiukoŭščyna 2.0 (haradok)». Ciapier tam 350 padpisantaŭ.
Viadoma, što mužčyna zaŭzieŭ za italjanski futbolny kłub «Roma».
Siarod bajcoŭ jon viadomy pad pazyŭnym «Klešč».
Na videa, apublikavanym rasijskimi vajskoŭcami ŭ telehram, Siarhiej kaža, što vyjechaŭ va Ukrainu ŭ 2021 hodzie praź pieraśled biełaruskich uładaŭ i pahrozu zaviadzieńnia kryminalnaj spravy.
Kamientary