Pamior hraf Alaksandr Prušynski — adziny naščadak arystakratyi, jaki paśla padzieńnia SSSR viarnuŭsia na radzimu prodkaŭ
Viarnuŭsia i sprabavaŭ niešta dla jaje rabić. I ŭžo adnym hetym jon uvajšoŭ u historyju. Pra śmierć 88-hadovaha viadomaha biełaruskaha i polskaha hramadskaha aktyvista Alaksandra Prušynskaha paviedamili svajaki. Jaho nie stała try dni tamu.
Hraf Prušynski — syn viadomaha polskaha paeta i dypłamata Ksavieryja Prušynskaha. Jon naradziŭsia na Haradzienščynie, u vioscy Rahoźnica ciapierašniaha Mastoŭskaha rajona. Adnak paśla Druhoj suśvietnaj vajny i ŭstalavańnia ŭ Zachodniaj Biełarusi savieckaj ułady razam ź siamijoj pakinuŭ radzimu. Žyŭ u Francyi, ZŠA, Kanadzie.
U 1990-ja viarnuŭsia ŭ Biełaruś i navat chacieŭ bałatavacca ŭ prezidenty na pieršych vybarach 1994 hoda, adnak u rehistracyi jamu było admoŭlena z-za adsutnaści na toj momant biełaruskaha hramadzianstva.
U 2015 hodzie znoŭ chacieŭ udzielničać u vybarach, ale CVK admoviła jamu ŭ rehistracyi, i hetym razam znoŭ pa farmalnych pryčynach. Choć hramadzianstva jon da taho času ŭžo atrymaŭ.
Alaksandr Prušynski byŭ praciŭnikam režymu Łukašenki, za što jaho šmat razoŭ zatrymlivali i aryštoŭvali, jon atrymlivaŭ štrafy za ŭdzieł u mitynhach. Rehularna vychodziŭ na pratesnyja akcyi i ŭ 2020 hodzie.
Mabyć, Alaksandr Prušynski adziny naščadak kolišniaj miascovaj arystakratyi, jaki paśla nabyćcia Biełaruśsiu niezaležnaści viarnuŭsia na radzimu prodkaŭ i sprabavaŭ niešta dla jaje rabić. I ŭžo adnym hetym jon uvajšoŭ u historyju.
Čytajcie taksama:
87-hadovaha hrafa Prušynskaha šeść hadzin pratrymali ŭ milicyi za razdaču ŭlotak
Prosta Prušynski
Ciapier čytajuć
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary