87-hadovaha hrafa Prušynskaha šeść hadzin pratrymali ŭ milicyi za razdaču ŭlotak
Dniom 21 sakavika na płoščy Niezaležnaści la Čyrvonaha kaścioła byŭ zatrymany Alaksandr Prušynski, bolš viadomy jak «hraf Prušynski». Mužčyna razdavaŭ ulotki z nahody chutkaha Dnia Voli.
Razdavać ulotki hrafu ŭdałosia 15—20 chvilin, paśla čaho jaho zatrymali milicyjaniery. Mužčynu advieźli ŭ Pieršamajskaje RUUS, dzie pratrymali šeść hadzin.
«Ja nie pieršy raz zatrymany, ja viedaju, jak siabie pavodzić ź milicyjanierami. Ja im kažu: nie važna, chto kiruje krainaj, chaj vaš Alaksandr Ryhoravič, chaj nie jon, ale dabrabyt ludziej pavinien raści. U Sinhapury za 40 hadoŭ uzrovień žyćcia vyras u čatyry razy, u Estonii za 26 hadoŭ — u try razy. A my staim na miescy. U nas pradukty daražejšyja, čym u Polščy, a tam zarobki vy sami viedajecie jakija», — kaža spadar Alaksandr.
Hraf Prušynski kaža, što ŭ milicyi nieadnarazova hukaŭ «Žyvie Biełaruś». «Ni adzin, ni dva i nie try razy. Ja prapanoŭvaŭ milicyjanieram sfotkacca sa mnoj jak z kandydatam u prezidenty, ale jany bajalisia».
Na mužčynu byŭ składzieny pratakoł, sam Prušynski nie pamiataje, pa jakim mienavita artykule budzie sud.
«U Łukašenku kiepska try rečy: jon nie lubić pryvatny biznes, choča ŭsim kiravać sam i nie lubić palakaŭ. I kali z trecim jašče možna źmirycca, to pieršyja dva punkty tarmoziać raźvićcio krainy», — kaža Prušynski.
Alaksandr Prušynski naradziŭsia ŭ 1934 hodzie na Hrodzienščynie, a potym ź siamjoj emihravaŭ u Kanadu. U Biełaruś viarnuŭsia ŭ pačatku 1990-ch. Niekalki razoŭ sprabavaŭ stać kandydatam u prezidenty, ale nie rehistravali navat jahonuju inicyjatyŭnuju hrupu. Nie tak daŭno Alaksandr Prušynski atrymaŭ biełaruski pašpart. Alaksandr Prušynski pachodzić z hrafskaha rodu Prušynskich.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary