Žychary žyllovaha kompleksu «Kaskad» raskazali «Našaj Nivie», što pazaŭčora — udzień 21 červienia — byli śviedkami bojki sa stralaninaj u svaim dvary. U vyniku paciarpieŭ padletak.
«Byŭ viečarovy čas, hadzin 19. U dvary tuzałasia kampanija. Nie majstry sportu, ja asabliva nie hladzieła.
Potym pačuŭsia charakterny hrukat, adnak taksama nie asabliva zacikaviŭ. Ale paśla pryjechała chutkaja, vyvalili miedyki, atačyli padletka na ziamli — stali apracoŭvać nahu adnamu z udzielnikaŭ tuzaniny.
Ja b skazała, što z vyhladu jamu było hadoŭ 16. Apracoŭvali jamu vierchniuju častku nahi», — raskazała śviedkaj padziej.
Pa jaje słovach, potym pryjechała milicyja i zabrała małaletnich udzielnikaŭ. Adnak taho, chto stralaŭ, nie zabrali — jon niejki čas jašče chadziŭ pa rajonie.
«Moža być, šukaŭ inšych udzielnikaŭ. Bo, jak stała zrazumieła ŭ nastupnym (ale heta mohuć być i čutki), tuzanina była pamiž padletkami i supracoŭnikam niejkaha siłavoha viedamstva, jaki ŭ vyniku streliŭ z traŭmatyčnaha pistaleta ŭ nahu hetamu pacanu», — paviedamili «Našaj Nivie».
Kali vam niešta viadoma pra hetu historyju, napišycie ŭ naš biaśpiečny bot u telehramie (@nasa_niva_bot), kab dapoŭnić.
-
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»
-
«Paznajomiłasia z tureckim vajskoŭcam praź internet. Praź miesiac razam siadzieli nad asmanska-biełaruskim słoŭnikam Sokałava-Vojuša»
-
«Sdiełano v Biełoruśsii». Sacsietki ŭzbudzilisia ad syru zahadkavaha pachodžańnia
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim32
Kamientary