Kreml paabiacaŭ miery ŭ adkaz na zakryćcio Litvoj tranzitu ŭ Kalininhrad
Na heta spatrebicca niekalki dzion, zrabiŭ prahnoz Dźmitryj Piaskoŭ.
Z suboty 18 červienia Litva zabaraniła tranzit pamiž RF i Kalininhradskaj vobłaściu tavaraŭ, jakija trapili pad jeŭrapiejskija sankcyi. Abmiežavańnie moža zakranuć da 40-50% hruzapatoku pamiž asnoŭnaj častkaj RF i jaje ekskłavam.
Piaskoŭ nazvaŭ takoje rašeńnie Litvy parušeńniem usiaho. Pavodle jaho słoŭ, jano patrabuje hłybokaha analizu pierad pryniaćciem mier u adkaz. Na praciahu niekalkich dzion taki analiz budzie praviedzieny.
«Situacyja bolš čym surjoznaja ŭ hetaj suviazi, i jana patrabuje vielmi hłybokaha analizu pierad tym, jak farmulavać niejkija miery i niejkija rašeńni. Hety hłyboki analiz na praciahu nastupnych niekalkich dzion budzie praviedzieny», — skazaŭ Piaskoŭ.
Tym časam kiraŭnik jeŭrapiejskaj dypłamatyi Žazep Barel zajaviŭ, što situacyju z zabaronaj tranzitu nielha paraŭnoŭvać z ahulnaj situacyjaj vakoł Ukrainy i jaje nastupstvami dla śvietu, miarkuje kiraŭnik dypłamatyi JEZ Žazep Barel.
«Ja dakładna nie viedaju, ale heta nielha paraŭnoŭvać. Nielha paraŭnoŭvać situacyju ŭ Kalininhradzie ź situacyjaj va Ukrainie dla suśvietnaj supolnaści […] situacyja ŭ Kalininhradzie nie zakranie ŭvieś astatni śviet, ale ŭvieś astatni śviet zakranaje situacyja, jakaja razhortvajecca va Ukrainie», — zajaviŭ Barel, adkazvajučy na pytańnie pra toje, ci nie vykliča zabarona Litvy tranzitu ŭ Kalininhrad «novuju napružanaść» z Rasijaj.
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?11
Kamientary