Hienieralny sakratar NATO: Vajna va Ukrainie moža zaciahnucca na hady
Nichto nie viedaje, kolki budzie praciahvacca vajenny kanflikt va Ukrainie, ale NATA pavinien być hatovy akazvać Kijevu dapamohu va ŭmovach zaciažnych bajavych dziejańniaŭ. Pra heta zajaviŭ hienieralny sakratar arhanizacyi Jens Stołtenbierh u intervju Bild.
«My pavinny padrychtavacca da taho, što jon [kanflikt va Ukrainie] moža zaniać hady. My nie pavinny admaŭlacca ad padtrymki Ukrainy, niahledziačy na toje, što vydatki vysokija — nie tolki na vajennuju dapamohu, ale i z-za rostu cen na enierhanośbity i pradukty charčavańnia», — skazaŭ jon.
Pa słovach Stołtenbierha, dalejšyja pastaŭki sučasnaha ŭzbrajeńnia Kijevu mohuć pavialičyć šancy na toje, što Ukraina zmoža znoŭ viarnuć pad kantrol Danbas.
Raniej premjer-ministr Vialikabrytanii Borys Džonsan zajaviŭ, što Łondan i zachodnija sajuźniki pavinny być hatovyja da praciahłaha kanfliktu va Ukrainie. Ź jaho słoŭ, jany pavinny zabiaśpiečyć pastaŭki Kijevu zbroi, bojeprypasaŭ i pravodzić navučańnie ŭkrainskich vajskoŭcaŭ chutčej, čym rasijski bok.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary