Ad mastaka Alesia Puškina pryjšoŭ pieršy i pakul adziny list z kałonii. Akramia taho, jon paru razoŭ vielmi koratka zvaniŭ. Ale ŭvohule viestak ad jaho daŭno nie było, paviedamiła žonka mastaka Janina Puškina «Narodnaj voli».
Aryštavany Puškin byŭ u sakaviku 2021 hoda i pravioŭ u SIZA ceły hod. 30 sakavika mastak byŭ asudžany na 5 hadoŭ kałonii strohaha režymu. Jaho pryznali vinavatym u «naŭmysnych dziejańniach u reabilitacyi nacyzmu, učynienych hrupaj asob» i ŭ «ździeku ź dziaržaŭnych simvałaŭ». Padstavaj dla abvinavačańniaŭ stali karciny z cykła «Biełaruski supraciŭ» i pierformans, jaki jon pravioŭ va Ukrainie.
U krasaviku Alesia Puškina adpravili ŭ papraŭčuju kałoniju №22 u Ivacevicki rajon («Voŭčyja nory»).
«Za ŭvieś čas, pakul muž u «Voŭčych norach», ad jaho pryjšoŭ usiaho adzin list, — kaža Janina Puškina. — Amal miesiac užo naohuł niama nijakich viestak — ni listoŭ, ni zvanka, tamu nie vyklučaju, što Alesia źmiaścili ŭ štrafny izalatar. Advakata ŭ jaho niama, tamu niama kamu i daviedacca, što tam adbyvajecca.
U adzinym liście nahadaŭ, što jamu pryvieźci: spartyŭny kaścium, telefonnuju kartku. Zdajecca, raz na tydzień dazvolena telefanavać z kałonii dadomu, ale apošnim časam zvankoŭ niama.
Tolki dva razy pazvaniŭ, ale havaryli mienš za chvilinu, bo, mabyć, karystaŭsia čužoj kartkaj. Paśpieŭ skazać, što ŭ kałonii jašče horš, čym było ŭ SIZA na Vaładarskaha».
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim16
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3434
Kamientary