Makron: Rasiju nie treba prynižać, a narod u Rasii pa-raniejšamu vialiki
Makron raskazaŭ, što sa śniežnia prahavaryŭ z Uładzimiram Pucinym «sotniu hadzin». Pra heta jon raskazaŭ u intervju francuzskim rehijanalnym ŚMI, piša Bi-bi-si.
«Situacyja [ŭ śviecie] tryvožnaja. Voś tamu ja vydatkoŭvaju na heta tak šmat času i siłaŭ. Ja straciŭ lik razmovam z Uładzimiram Pucinym sa śniežnia, — pryznaŭsia Makron. — U ahulnaj składanaści sotnia hadzin, u adkrytaści i pa prośbie Zialenskaha».
Adkazvajučy na pytańnie pra staŭleńnie da Pucina, Makron skazaŭ:
«Ja dumaju, i ja skazaŭ jamu, što jon zrabiŭ histaryčnuju i fundamientalnuju pamyłku dla svajho naroda, dla siabie i dla historyi.
U Rasii pa-raniejšamu vialiki narod. Ja dumaju, što jon izalavaŭ siabie. Zamknuć siabie ŭ izalacyi — heta adno, a viedać, ale jak ź jaje vyjści, — ciažki šlach».
Pry hetym prezident Francyi adznačyŭ, što «nie treba prynižać Rasiju», kab u dzień spynieńnia bajavych dziejańniaŭ možna było znajści vychad ź situacyi pa dypłamatyčnych kanałach.
«Ja pierakanany, što rola Francyi zaklučajecca ŭ tym, kab być dziaržavaj-pasiarednikam», — dadaŭ Makron.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary