Kuleba: Naŭrad ci Zachadu chopić mužnaści źniać marskuju błakadu Rasii siłaj
Kiraŭnik MZS Ukrainy Dźmitryj Kuleba nie vieryć u toje, što krainy Zachadu mohuć siłavym šlacham vyrašyć pytańnie marskoj błakady Čornaha mora. Pra hety jon skazaŭ u Davosie, paviedamlaje «Jeŭrapiejskaja praŭda».
Kuleba adkazvaŭ na pytańnie ab tym, ci mohuć krainy Zachadu arhanizavać vajenny kanvoj dla supravadžeńnia karabloŭ u Čornym mory.
«Kali NATA nie zakryła nieba nad Ukrainaj u samyja trahičnyja momanty vajny, to čamu ciapier jany adkryjuć Čornaje mora, kab možna było bieśpieraškodna ekspartavać z Ukrainy sielskahaspadarčuju pradukcyju? Ja ŭsim sercam budu vitać takoje rašeńnie, ale ja nie dumaju, što budzie dastatkova sił i dastatkova mužnaści ŭ zachodnich i inšych krain, kab znajści siłavoje vyrašeńnie hetaha pytańnia», — skazaŭ Kuleba.
Jon adznačyŭ, što navat kali ŭdasca damovicca z RF pa adkryćci dostupu da ŭkrainskich partoŭ, prablema zaklučajecca ŭ tym, što Rasii nielha daviarać.
«Navat kali jany padpišuć niejkija harantyi bieśpieraškodnaha prachodu — heta nie značyć, što jon budzie pradstaŭleny. U luby momant jany mohuć parušyć pahadnieńnie, jak tolki jaho dasiahnuć», — zaŭvažyŭ ministr.
Kiraŭnik MZS Litvy ŭ paniadziełak na sustrečy z brytanskaj kalehaj Liz Tras prapanavaŭ stvareńnie vajenna-marskoj kaalicyi dla źniaćcia rasijskaj błakady z ukrainskaha ekspartu zbožža praz Čornaje mora.
Vialikabrytanija zajaviła, što nie płanuje adpraŭlać vajennyja karabli Karaleŭskaha fłotu ŭ Čornaje mora, kab dapamahčy ekspartavać pradukty charčavańnia z Ukrainy.
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy7
Kamientary