«Łada» adnović vychad. Budzie biez ABS, padušak biaśpieki i škłopad‘jomnikaŭ
Pieršaj madellu «Aŭtavaza», vypuščanaj paśla doŭhaha prastoju, stanie Lada Granta ŭ sproščanaj viersii. Z-za zachodnich sankcyi jaje buduć vypuskać biez sučasnych srodkaŭ biaśpieki. Pastupleńnie mašyny ŭ sałony čakajecca ŭ druhoj pałovie červienia, raskazali aŭtadylery.
Pa słovach staršyni savieta dyrektaraŭ «BN-Motars» Alaksieja Padščakołdzina, dakładnaj infarmacyi pra kamplektacyi aŭtamabila pakul što niama.
Chutčej za ŭsio, hetyja mašyny buduć prapanoŭvacca biez ABS (antybłakirovačnaj sistemy tarmazoŭ), tryvožnaj knopki ERA-HŁONASS, padušak biaśpieki i elektryčnych škłopadjomnikaŭ, miarkuje jon.
Aŭtakancern «AŭtaVAZ» amal bieź pierapynku znachodzicca ŭ prastoi z-za deficytu kampanientaŭ z 4 krasavika. Tady «AŭtaVAZ» syšoŭ na try tydni ŭ karparatyŭny adpačynak. Zatym, paźbiraŭšy mašyny niekalki dzion, spyniŭ vytvorčaść na majskija śviaty, ale i paśla doŭhich vychodnych nie zmoh paŭnavartasna pierazapuścić kanviejery. Biahučy prastoj dziejničaje na zavodzie da 27 maja.
Usio heta źviazana z zachodnimi sankcyjami, nakładzienymi na Rasiju za napad na Ukrainu.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5151
Kamientary