Valfovič zajaviŭ, što ŭkrainskija dyviersijna-vyviedvalnyja hrupy zachodziać na terytoryju Biełarusi
Dziaržaŭny sakratar Rady biaśpieki Alaksandr Valfovič u čarhovy raz raspavioŭ, jak Biełaruś «atačyli vorahi».
«Hladzicie, što dziejecca na paŭdniovych rubiažach Biełarusi, na terytoryi niekali siabroŭskaj nam brackaj Ukrainy. Siońnia hrupoŭka ŭzbrojenych sił na rovienskim kirunku składaje kala 10,5 tysiačy čałaviek, na čarnihaŭskim — 4,5 tysiačy, na kijeŭskim — bolš za 5 tysiač.
Idzie inžyniernaje abstalavańnie učastkaŭ ŭkrainskaj miažy ŭzdoŭž našych paŭdniovych miežaŭ. Miniravańnie, ažyćciaŭleńnie zavałaŭ, dziejańni dyviersijna-raźviedvalnych hrup, u tym liku z zachodam na biełaruskuju terytoryju»,
— raspavioŭ Valfovič u efiry prahramy «Arsienał» na «VajenTB».
Pa jaho słovach, hrupoŭka vojskaŭ, jakija znachodziacca na terytoryi Polščy, Litvy i Łatvii, pavialičyłasia za apošnija dva hady i składaje siońnia 37,5 tysiačy čałaviek.
«Hrupoŭka avijacyi pavialičyłasia ŭ razy i składaje bolš za 135 bajavych samalotaŭ na terytoryi sumiežnych krain. Paloty raźviedvalnaj avijacyi pačaścilisia — 6-7 samalotavyletaŭ uzdoŭž našaj miažy kožnyja sutki».
Staršynia Dziaržaŭnaha pahraničnaha kamiteta Anatol Łapo adznačyŭ, što apošni hod pahraničniki faktyčna niasuć słužbu va ŭzmocnienym varyjancie.
«Nam dapamahajuć Uzbrojenyja siły, tamu što siły i srodki ŭ nas abmiežavanyja pad takuju abstanoŭku», — pryvodzić jaho słovy BiełTA.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary