«Heta siurrealizm». Darja Daniłava, asudžanaja pa spravie TUT.by, zjechała ź Biełarusi i raspaviała pra siabie
Darja Daniłava, mieniedžar TAM.BY, dyrektar RocketData, zjechała ź Biełarusi ŭ Batumi. Pra heta jana raspaviała ŭ Facebook.
«Samaje trapnaje słova dla ŭsiaho taho, što adbyłosia sa mnoj — heta siurrealizm, ale hałoŭnaje, što ja na voli, badzioraja, zdarovaja, poŭnaja enierhii i žadańnia žyć svajo cudoŭnaje i ŭžo sapraŭdy nie sumnaje žyćcio dalej. Jak toj kazaŭ, budzie što raskazać unukam», — napisała Darja.
Ciapier jana ŭ Batumi.
«Ja prylacieła ŭ Batumi, i narešcie praz hod abniała kachanaha muža i brata, a ŭvohule, nas tut cełaja banda, i chutka stanie jašče bolš. Płanuju tut pravieści leta. Pakul uziała adpačynak, i miesiac-dva budu adpačyvać i adnaŭlacca. Dalej pakul dakładnaha płana niama, ale sapraŭdy budu ŭ niejkaj formie praciahvać raźvivać Rocketdata, płanuju źlatać u «tur» pa siabrach, jakija ciapier raskidanyja pa ŭsim śviecie, i z usimi paabdymacca», — napisała jana.
U svaim paście Darja Daniłava padziakavała ŭsim, chto pisaŭ joj listy i padtrymlivaŭ, i adznačyła, što za čas, praviedzieny ŭ SIZA, jana pračytała kala 50 knih, da jakich nie dachodzili ruki, schudnieła na 10 kiłahramaŭ i stała ŭładalnicaj idealnaha presa.
«Viartajusia pastupova da narmalnaha žyćcia paśla samaha trešovaha hoda ŭ svajoj historyi», — napisała jana.
Apošni hod Darja praviała ŭ SIZA KDB, a potym u SIZA na Vaładarskaha pa abvinavačvańni ŭ dapamozie va ŭchileńni ad vypłaty padatkaŭ pa spravie TUT.BY. Praz 10 miesiacaŭ hetaje abvinavačvańnie ź jaje źniali, ale pradjavili «narodny» artykuł 342 za ŭdzieł u niesankcyjanavanych masavych mierapryjemstvach paśla vybaraŭ 2020 hoda. Pa hetym artykule asudzili, i 25 krasavika jana vyjšła z zały suda, atrymaŭšy prysud 1 hod i 4 miesiacy kałonii.
-
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia
-
U Lachavičach školnik padčas futbolnaha matča vyvieŭ na tabło niecenzurnaje słova. Jak jamu heta ŭdałosia?
-
Na papcy ŭ Śviatłany Cichanoŭskaj ciapier partret palitźniavolenaha žurnalista Andreja Pačobuta FOTA
Kamientary