Biełaruś pašyraje praktyku navihacyjnych płombaŭ na fury z Łatvii, a taksama na pustyja fury ź Jeŭrasajuza
U Biełarusi pašyrany pieralik krain, fury ź jakich buduć padlahać asnaščeńniu spadarožnikavymi navihacyjnymi płombami. Zhodna z pastanovaj urada RB, navihacyjnyja płomby ciapier buduć prymianiacca i pry ŭvozie tavaraŭ aŭtatranspartam z terytoryi Łatvii. Taksama ŭ abaviazkovym paradku buduć płambavacca navat parožnija fury, zarehistravanyja ŭ ES, piša «Aŭtabiznes».
Pastanova ŭrada ad 28 krasavika 2020 hoda № 311 aficyjna apublikavanaja na Nacyjanalnym pravavym internet-partale, i z hetaha momantu nabyvaje moc.
Raniej spadarožnikavymi navihacyjnymi pryładami pačali abstaloŭvać fury ź Litvy i Polščy. Vyklučeńnie zroblenaje tolki dla hruzavikoŭ, jakija pieravoziać tavary z Kalininhradskaj vobłaści ŭ Biełaruś pa terytoryi Litvy ŭ ramkach mytnaha tranzitu.
Taksama navihacyjnyja płomby možna nie vykarystoŭvać ciažkavahavym abo bujnahabarytnym transpartnym srodkam, dla prajezdu jakich treba atrymlivać śpiecyjalny dazvoł, a taksama pry pieravozcy žyvych žyvioł, pry pieravozcy biazvypłatnaj zamiežnaj dapamohi, jakaja źmiaščajecca pad mytnuju praceduru mytnaha tranzitu, i ŭ vypadku, kali mytnym orhanam adpraŭleńnia i mytnym orhanam pryznačeńnia źjaŭlajecca mytny orhan Biełarusi.
Płata za płombu składaje 10 bazavych vieličyń. Heta krynica dachodu dla biudžetu, dla Litvy i Polščy jana była ŭviedzienaja jašče ŭ kancy minułaha hoda.
Čytajcie taksama:
Biełaruskija čynoŭniki prydumali novuju krynicu dachodaŭ — navihacyjnyja płomby na tranzitnyja hruzy
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram15
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary