Mikałaj Kazłoŭ moža stać pradstaŭnikom u spravie adnaŭleńnia zakonnaści i pravaparadku
Kandydaturu staršyni Abjadnanaj hramadzianskaj partyi dniami pavinny ŭzhadnić u Kaardynacyjnaj radzie. Raniej pasadu pradstaŭnika ŭ spravie adnaŭleńnia zakonnaści i pravaparadku Abjadnanaha pierachodnaha kabinietu zajmaŭ były siłavik Alaksandr Azaraŭ. Jak kankretna budzie nazyvacca pasada Mikałaja Kazłova — pakul nieviadoma, piša Biełsat.
Mikałaju Kazłovu — 59 hadoŭ, jon 17 hadoŭ zajmaŭ pasadu staršaha opierupaŭnavažanaha pa asabliva važnych spravach UUS Centralnaha rajona Minska, mieŭ zvańnie padpałkoŭnika milicyi zapasu.
U 2008 hodzie padčas parłamienckich vybaraŭ Kazłoŭ publična zajaviŭ pra falsifikacyi na vybarčym učastku, paśla čaho napisaŭ rapart načalstvu i paviedamiŭ pra incydent niezaležnym ŚMI. Nieŭzabavie paśla hetaha jon pajšoŭ u zapas.
U 2012 hodzie Mikałaj Kazłoŭ ustupiŭ u Abjadnanuju hramadzianskuju partyju, a ŭ 2016 hodzie byŭ abrany namieśnikam staršyni AHP. U 2021 hodzie jaho pazbavili śpiecyjalnaha ranhu padpałkoŭnika milicyi zapasu.
Kazłova dvojčy asudžali pavodle palityčna matyvavanych spraŭ, jon byŭ pryznany palitviaźniem. U žniŭni 2021 hoda jon atrymaŭ try miesiacy aryštu, a ŭ listapadzie 2022‑ha — dva z pałovaj hady pazbaŭleńnia voli za nibyta ŭdzieł u «masavych biesparadkach». Padčas źniavoleńnia nieadnarazova źmiaščaŭsia ŭ karcar i PKT, mieŭ prablemy sa zdaroŭjem, jaho nie adpuścili na pachavańnie maci.
Na volu Mikałaj Kazłoŭ vyjšaŭ 22 lipienia 2024 hoda, u kastryčniku 2025 hoda jon vyjechaŭ ź Biełarusi.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary