U dziaciej u 12 krainach zafiksavali hiepatyt nieviadomaha pachodžańnia. Adno dzicia pamierła
Zachvorvańnie priaŭlajecca jak vostry hiepatyt (zapaleńnie piečani) z prykmietna pavyšanym uzroŭniem piačonačnych fiermientaŭ.
Na siońnia ŭ śviecie zafiksavali 169 vypadkaŭ zaražeńnia dziaciej virusam hiepatytu nieviadomaha pachodžańnia — u 12 krainach śvietu. Adno dzicia zahinuła.
Ab raspaŭsiudžvańni chvaroby paviedamili ŭ Suśvietnaj arhanizacyi achovy zdaroŭja.
Pavodle danych SAAZ, vypadki zachvorvańnia ŭžo zarehistravali ŭ Vialikabrytanii (114), Ispanii (13), Izraili (12), ZŠA (9), Danii (6), Irłandyi (5), Niderłandach (4), Italii (4), Narviehii (2), Francyi (2), Rumynii (1) i Bielhii (1).
Zachvorvańnie prajaŭlajecca jak vostry hiepatyt (zapaleńnie piečani) z prykmietna pavyšanym uzroŭniem piačonačnych fiermientaŭ. U mnohich vypadkach vyjaŭlalisia straŭnikava-kišečnyja simptomy, u pryvatnaści, bol u žyvacie, a taksama dyjareja, vanity, jakija papiaredničajuć raźvićciu ciažkaha vostraha hiepatytu.
Adnak u nivodnym z hetych vypadkaŭ virusy hiepatytu typu A, B, C, E i D nie byli vyjaŭlenyja, paviedamili ŭ SAAZ. Zachvorvańnie novym vidam hiepatytu fiksujuć u dziaciej ad adnaho miesiaca da 16 hadoŭ. 10% chvorych patrabavałasia transpłantacyja piečani.
Taksama ŭ bolšaści zaražanych nie fiksavali pavyšanaj tempieratury cieła i lichamanki, pry hetym u 74 vypadkach byli vyjaŭlenyja adenavirusy, jakija vyklikajuć vostryja reśpiratornyja zachvorvańni ŭ ludziej.
Ciapier u krainach, dzie była vyjaŭlenaja najbolšaja kolkaść vypadkaŭ zachvorvańnia, praciahvajucca daśledavańni, jakija buduć uklučać padrabiaznuju historyju kliničnaj chvaroby i ŭździejańnia, taksikałahičnyja testy i dadatkovyja mikrabijałahičnyja testy.
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie44
Kamientary