Śviatłana Cichanoŭskaja rastłumačyła, čamu choča ŭdzielničać u pieramovach pa Ukrainie
Śviatłana Cichanoŭskaja zajaviła, što va ŭkrainska-rasijskich pieramovach važny ŭdzieł Biełarusi. U intervju Zerkalo.io jana patłumačyła, što moža prapanavać na pieramovach i jakich harantyj čakaje dla Biełarusi.
«My pavinny adnavić suvierenitet i biaźjadzierny status Biełarusi, jakich krainu pazbaŭlaje režym. Taksama naša zadača — viarnuć mir u Biełaruś i ŭvieś rehijon i nadać hetamu miru ŭstojlivaść, — miarkuje Śviatłana Cichanoŭskaja. — Dla hetaha rasijskija vojski biez usialakich dadatkovych umoŭ pavinny pakinuć terytoryju našaj krainy raz i nazaŭždy. My budziem taksama damahacca vyzvaleńnia ŭsich źniavolenych, kinutych za kraty pa palityčnych matyvach, i pryciahnieńnia vinavatych da adkaznaści, a taksama praviadzieńnia sumlennych vybaraŭ. Tolki pierachod da demakratyi moža harantavać, što ŭ Biełarusi bolš nie buduć sadžać za inšaje mierkavańnie».
Cichanoŭskaja skazała, što na pieramovach u pieršuju čarhu Biełaruś moža być nadziejnym partnioram i sajuźnikam, vykonvać uziatyja na siabie mižnarodnyja abaviazacielstvy, być harantam biaśpieki i donaram miru, a nie vajny.
Na jaje dumku, patrebnaja ŭpeŭnienaść, što Biełaruś nie stanie raźmiennaj manietaj u niejkich hieapalityčnych raźlikach.
«Nam treba viedać, što Biełaruś zachavaje svoj suvierenitet, a rasijskija vojski vyjduć z krainy. Naša kraina zacikaŭlenaja ŭ svabodnaj, demakratyčnaj Ukrainie. Roŭna hetak ža Ukraina razumieje, što jaje budučynia zaležyć ad taho, ci buduć u Biełarusi haspadaryć rasijskija vojski», — miarkuje Śviatłana Cichanoŭskaja.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary