Traktarnyja vojski. Jak ukrainskija sialanie buksirujuć rasijskija tanki
Zdajecca, u historyi jašče nie było vojnaŭ, dzie b sielskahaspadarčaja technika hrała takuju zaŭvažnuju rolu. Ź pieršych dzion vajny sieciva napoŭniłasia dziasiatkami videa, na jakich žychary ŭkrainskich siołaŭ ciahnuć kinutuju rasijskaj armijaj vajskovuju techniku. Heta sparadziła šmat žartaŭ pra asobny rod vojskaŭ u składzie Uzbrojenych sił Ukrainy — traktarnyja vojski.
Treba adznačyć, što na ich uzbrajeńni aproč sučasnych John Deere vielmi časta sustrakajucca i traktary «Biełarus», što tolki dadaje kamičnaści ŭ situacyi, kali advažnyja sialanie na sielskahaspadarčaj technicy minułaha stahodździa biaruć u pałon techniku vajskovuju, košt jakoj časta składaje miljony dalaraŭ.
Tanki, BTRy i BMP, ciažkija ahniamiotnyja sistemy, mabilnyja srodki supraćpavietranaj abarony, bienzavozy — usio ciahnuć da siabie na padvorak dbajnyja ŭkrainskija fiermiery. Zdajecca, hetaj technikaj možna zabiaśpiečyć cełuju armiju nievialikaj jeŭrapiejskaj krainy.
Miarkujučy pa kamientarach, častka trafiejaŭ pieradajecca paśla ŭkrainskaj armii, častka, napeŭna, apyniecca ŭ punktach pryjomu mietałałomu — zaraz košt na čorny mietał va Ukrainie 300 dalaraŭ za tonu, a heta aznačaje, što tank T-72 kanviertujecca ŭ amal 14 000 dalaraŭ.
Kantynient Ukraina. Padarožža ŭ krainu, dzie ludzi zachoŭvajuć aptymizm u luboj situacyi
Cud sialanskaj Šviecyi — kramki fiermieraŭ, zasnavanyja na daviery
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary