Jafrem Sakałoŭ byŭ pieršym sakratarom CK KPB u 1987—1990 hadach.
Naradziŭsia 25 krasavika 1926 hoda ŭ Raviačyna, što ŭ Horackim rajonie. U 1944-1950 hadach słužyŭ u Savieckaj Armii, zatym pracavaŭ kiroŭcam u vučebna-doślednaj haspadarcy Horackaha sielhasinstytuta, jaki skončyŭ u 1956-m. Z 1958 hoda ŭžo byŭ na partyjnaj pracy. Z 1969 hoda — u aparacie CK Kampartyi Biełarusi, a z 1977 pa 1987 hod byŭ pieršym sakratarom Bresckaha abkama KPB.
«Dla žycharoŭ Bresckaj vobłaści Sakałoŭ — amal ideał kiraŭnika. Nichto nikoli nie čuŭ, kab jon padniaŭ hołas na padnačalenaha. Nichto nie bačyŭ jaho pjanym. Nichto nie moh zapadozryć jaho ŭ nieachajnaści. Usie hady svajoj pracy ŭ Breście Jafrem Jaŭsiejevič zajmaŭsia adnym: jon budavaŭ. Jon budavaŭ damy, darohi i hihanckija žyviołahadoŭčyja kompleksy. Jość kompleks na 50 tys. hałoŭ — dobra, a budzie i na 100 tysiač, uvieś SSSR pavinien jeści bresckuju śvininu. I samim bieraściejcam pavinna chapić. A kali jość hihanckija sielskahaspadarčyja pradpryjemstvy, da ich pavinny vieści dobryja darohi. I ludzi pavinny žyć u narmalnych, zručnych damach. I toj fakt, što surovaha Jafrema Jaŭsiejeviča, jaki mała paśmichaŭsia, uznaharodzili zorkaj Hieroja pracy — adzinaha partfunkcyjaniera pry Harbačovie! — a potym vybrali pieršym sakratarom CK KPB, u vobłaści ŭspryniali jak naležnaje», — pisaŭ Alaksandr Fiaduta ŭ adnym z artykułaŭ.
Na piensii Jafrem Sakałoŭ uznačalvaŭ saviet Kampartyi Biełarusi, byŭ členam Respublikanskaha savieta vieteranaŭ vajny i pracy, Uzbrojenych sił i pravaachoŭnych orhanaŭ.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary