Krynicy: Paśla hihanckaha vykupu na volu vyjšli top-mieniedžary banka BiełVEB
Jak stała viadoma «Našaj Nivie», siońnia na volu vyjšli zatrymanyja na minułym tydni top-mieniedžary banka BiełVEB. Umovaj vychadu stała «kampiensacyja škody» ŭ kratnym pamiery. Maciušeŭskamu, mierkavana, udałosia vyprasić hrošaj u Šuvałava.
Nahadajem, raniej my paviedamlali pra sens pretenzij siłavikoŭ i Nacbanka da banka BiełVEB: heta «drableńnie biźniesu i sychod ad padatkaŭ» praz stvareńnie IT-kampanij u ilhotnaj zonie PVT, a taksama vyviadzieńnie dyvidendaŭ biez pracentaŭ praz padkreślena lehalnuju schiemu sacyjalnaha strachavańnia, stvoranuju Pryjorbankam. Naličany pamier «škody» skłaŭ, u ekvivalencie, 8 miljonaŭ dalaraŭ.
Čytajcie taksama: Aryštu Maciušeŭskaha papiaredničaŭ jaho kanflikt z Kałaŭram, i pahony za heta ŭčapilisia. Padrabiaznaści
29 sakavika ŭ top-mieniedžaraŭ banka prajšli vobšuki, jany byli zatrymanyja DFR. Vyjści ŭ toj ža dzień udałosia tolki Maciušeŭskamu. Tady my paviedamlali, što sens jaho vychadu byŭ u tym, kab jon znajšoŭ hrošy.
Krynicy: Nočču z DFR vyjšaŭ kiraŭnik banka BiełVEB Vasil Maciušeŭski
Jak možna mierkavać, hrošy Maciušeŭski znajšoŭ, paprasiŭšy ab dapamozie kiraŭnika rasijskaha Vniešekanombanka Ihara Šuvałava.
Krynicy kažuć, što ahulnaja suma, zapłačanaja za vychad mieniedžaraŭ, blizkaja da 25 miljonaŭ dalaraŭ. U łukašenkaŭskaj sistemie isnuje praktyka «multyplikatara» — u vypadku traplańnia za kraty pamier «škody» nieabchodna kampiensavać u kratnym pamiery. Pryncyp jaho vystaŭleńnia nie apisany ŭ zakonach i zaležyć ad mahčymaściaŭ viaźnia.
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia8080
Kamientary