«Piachota zastajecca karalevaj boju»: čatyry vysnovy z ukrainskaj vajny ad historyka Edvarda Lutvaka
Amierykanski historyk Edvard Lutvak sfarmulavaŭ čatyry ŭroki vajny ŭ śviatle ŭkrainska-rasijskaha kanfliktu.
1. Varta ačyścić, abkuryć i pierabudavać CRU: jano paviedamiła Bajdenu, što afhanskaja armija pratrymajecca miesiacami i što ruskija buduć u Kijevie praz 24 hadziny. Bieź viedańnia moŭ niama situacyjnaj daśviedčanaści. Uvieś Kabuł śmiajaŭsia z armiejskaha machlarstva, ale pra heta nichto nie paviedamlaŭ.
2. Nacyi kujucca ŭ vajnie. Kali jany atrymajuć pieramohu nasupierak usiamu — jak amierykancy nad brytancami, hreki nad Ksierksam pry Sałaminie ŭ 480 h., habrei — nad arabskimi dziaržavami ŭ 1948 hodzie i Ukraina jak ciapier — to jany atrymlivajuć siłu dasiahnuć vialikich rečaŭ.
3. Jak skazaŭ Zialenski, AAN nie vartaja namahańniaŭ. Rada biaśpieki AAN samabłakujecca pa svajoj zadumie, u Hienieralnaj asamblei daminujuć biezhustoŭnyja dyktatury i karumpavanyja parodyi na demakratyi, jakija admaŭlajucca ŭstać na bok sapraŭdnaj demakratyi pad udaram.
4. Piachota zastajecca karalevaj pola boju. Piachota ŭ abaronie ŭchilajecca ad avijacyi za košt razhrupavańnia i pieramahaje braniatankavyja siły ahniom, źjaŭlajučysia hałoŭnym bienifiecyjaram technałahičnaha prahresu ŭ rakietach, dronach, a taksama rakietnych sistemach «naviadzi i stralaj».
***
Edvard Lutvak — amierykanski historyk, ekanamist, śpiecyjalist pa mižnarodnych adnosinach i vajennaj stratehii. Aŭtar šmatlikich rabot pa historyi i źniešniaj palitycy ad časoŭ Staražytnaha śvietu da našych dzion.
Palityčny kansultant Dziaržaŭnaha departamienta i Ministerstva abarony ZŠA. Staršy daradca Centra stratehičnych i mižnarodnych daśledavańniaŭ (Vašynhton). Były daradca Ronalda Rejhana.
-
Źmicier Daškievič: U vyhnańni ja vałacuha, ale maju toje, čaho ciapier nie było b dla mianie ŭ Biełarusi — mahčymaść prynosić Hospadu płod
-
Kavieryn: U mianie raście dačka, i ja chacieŭ by, kab jana žyła, chutčej, u tym śviecie, jaki ŭjaŭlajuć sabie idealnym fieministki
-
Paŭlučenka pra viartańnie Pačobuta: «Punkt bifurkacyi, paśla jakoha šmat źmienicca»
Ciapier čytajuć
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka3
Kamientary