Šymanicie: Bajaźliviec, jaki siońnia znachodzcca na čale Biełarusi, biecpavarotna zdradziŭ svajmu narodu
«i ŭsio ž, pakul kiraŭniki ŭsiaho śvietu naturalna i niepaźbiežna źviernutyja na adčajnuju baraćbu dabra i zła va Ukrainie, my nie možam zabyvać i pra inšyja niaskončanyja bai», — skazała na mižnarodnym forumie Kalinoŭskaha ŭ Vilni premjer-ministr Litvy Inhryda Šymanicie.
«Siońnia biełaruski dyktatar, bajaźliviec, jaki nazyvaje siabie prezidentam Biełarusi, nie tolki pasadziŭ u turmy ci vysłaŭ svabodnych žycharoŭ svajoj krainy. Jon kančatkova i biespavarotna zdradziŭ svajmu narodu, zrabiŭ Biełaruś — nie tuju, sapraŭdnuju, a tuju, jakuju jon z apošni sił sprabuje ŭtrymać u svaim kułaku — sajuźnicaj kramloŭskaj ahresii i płacdarmam vajny Rasii suprać Ukrainy», — dadała jana.
Pa słovach premjera, Biełaruś choča stać volnaj i demakratyčnaj krainaj, tamu Zachad abaviazany dapamahčy joj u ažyćciaŭleńni hetaj mety.
«Tamu siońnia misija demakratyčnaj Biełarusi nabyvaje jašče bolšaje značeńnie. I dla ŭsich nas siońnia jašče bolš važna, padtrymlivajučy Ukrainu i jaje svabodu, nie zabyvać usich tych, chto imkniecca da svabody i demakratyi Biełarusi. Zachodni śviet doŭha havaryŭ ab canie asnovatvornych demakratyčnych kaštoŭnaściaŭ i svabody, a ciapier u jaho jość mahčymaść — i abaviazak — pakazać, što heta važniej, čym materyjalny kamfort i zvyčajnyja schiemy dziejańnia. U nas jość takoje abaviazacielstva pierad Ukrainaj, ale my nie možam zabyvać i pra toje abaviazacielstva pierad svabodaj Biełaruśsiu», — skazała premjer Litvy.
-
«Łukašenku nielha nazvać navat małodšym partnioram Pucina». Kit Kiełah raskazaŭ pra rolu Łukašenki ŭ pieramovach ZŠA i Rasii
-
U Barysavie dziacieł zaniaŭsia dyzajnam fasadaŭ i nie daje žycharam zranku spać
-
«Tak zvanaja postpienitencyjarnaja adaptacyja». Departavany palitviazień Kiryła Paźniak apublikavaŭ svajo FOTA z dočkami
Kamientary