Tramp zajaviŭ, što «ŭziać Kubu ŭ toj ci inšaj formie» — heta «vialiki honar»
I jon moža rabić z vostravam usio, što choča.
«Ja sapraŭdy vieru, što… dastojny honaru ŭziać Kubu. Heta vialiki honar. Uziać Kubu ŭ toj ci inšaj formie…. Ja maju na ŭvazie, ci vyzvalu ja jaje, ci zabiaru. Dumaju, ja mahu rabić ź joj usio, što zachaču. Kali chočacie viedać praŭdu», — pieradaje słovy Trampa Reuters.
Zajavy prahučali na fonie taho, što Kuba i ZŠA pačali pieramovy, nakiravanyja na palapšeńnie ich, u cełym «varožych adnosin», jakija dasiahnuli adnaho z samych napružanych momantaŭ za dziesiacihodździ.
Učora na Kubie całkam adklučyłasia elektryčnaść. Kryzis z palivam pahoršyŭsia z-za ŭzmacnieńnia enierhietyčnaha i finansavaha cisku z boku ZŠA na Kubu ŭ vyniku sankcyj i abmiežavańniaŭ, jakija pieraškadžajuć pastaŭkam nafty i paliva z krain, što tradycyjna źjaŭlalisia sajuźnikami ŭładaŭ vostrava, takich jak Vieniesueła i Mieksika.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary